I. Samuela 10:22 - Iaai Bible 1901 (New Caledonia)

²² Anyin a wale adre me elâm hmetu unyi Iehova, hawa, e tiga hu ke at biju ame he ka he jem? Me Iehova ame thu, ka habe, Wâ bi, e ame lubaduöng hnyi je thatûnyi.

I. Samuela 10:22 ပူးပေါင်းရင်းမြစ်များ

Genese 25:22

Ke ame ve hwiö lihûnye eû hnyi hnyekon; ke haingen, ka habe, Ieû ang a oge me helâng? Me e ame he but ka hnei Iehova.

II. Samuela 2:1

KE hwaban e Davita ame hnö ga Iehova, ka habe, Hawa oge me he ka he hnyi ke je taun anyin at Juda? Ke Iehova ame ha kâu, ka habe, He thö. Ke Davita ame ha, ka habe, Oge ma he kâ? Haingen, ka habe, Heberona.

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Owisa 1:1

HWABAN imeki Josua haba lakon Isaraela adre me hnö unyi Iehova, ka habe, Ia ame he ka bân ka he hobi kohmun ka at Kanana me vat mödrin?

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:23

(Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:28

ke haba Fineasa nöku Eleazara, nöku Arona at ame tot hnyi hnyimakan hnyi ûen e,) me ha, ka habe, Hawa, oge me he ka he hmetu he ka vat me laku Beniamina je liamekeiny mönya, hawa, ame ne hna ju? Ke haingö Iehova, ka habe, He thö, anyin oge me he ka hnʼ ödrin nyi ka hnyi hnyamâm.

I. Samuela 10:21

Ke e ame hakekenyâ tribu Beniamina hoton anyidrin je lap, me adre kû lap anyi Mater: ke adre kû Saulo noku Kiso; ke ödrin e elâm e, kʼ adre me ca wâ.

I. Samuela 14:37

Haba Saulo ame elâm unyin Khong, ka habe, Hawe, oge me he ka he ûcon at Filisiti? hawa, u me he ka hnʼ ödra ka hnyi hnyamen at Isaraela? Ke e ame ca thu kâu hnyi bong eling.

I. Samuela 15:17

Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;

I. Samuela 22:10

Ke at eling ame elâm unyi Iehova hobi kâu, ke e ame han, me ham kâu hele vat anyi Goliatha at Filisiti.

I. Samuela 23:9

Ke e khanö Davita but a Saulo ame elâm he ka okongoâ, me e ame ha kö Abiathara at bihut, ka habe, Hö jem iefoda.

I. Samuela 30:7

Ke Davita ame ha kö Abiathara at bihut, nöku Abimelek, ka habe, Ö u hö jem könya iefoda. Me Abiathara ame hom iefoda kö Davita.

I. Samuela 30:8

Ke Davita ame hnö ga Iehova, ka habe, Oge ne hnu hoton deö vat, hawa, oge me he ka hom tilödrin? Me ame ha kâu, ka habe, Hnu thö; me u me he ke khöu ödrin, me hûgûnâ hia hmetu.

I. Samuela 9:21

Me Saulo ame thu, ka habe, Hawa, ca at Beniamina bi nya, wale ae ûhnyûkong hnyi je tribu hia anyin at Isaraela? ke ûhnyûkong hmonyin anyik lap hnyi je lap hia hnyi tribu Beniamina? ieû gam u me ha helâe könya?