I. Samuela 1:11 - Iaai Bible 1901 (New Caledonia)

¹¹ Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.

I. Samuela 1:11 ပူးပေါင်းရင်းမြစ်များ

Genese 28:20

Ke Jekob ame hipʼ khöbi, me ha, ka habe, Ame ne he Khong ka tha e mönya, me tuö nya hnyi gethen ang oge me vheno, me haök, me ha khauk,

Genese 29:32

Ke Lea ame erkin dut me e ame hnokoâ da, me hwenyi ien Reubena: ke haingen, ka habe, Anyin a wâ but Iehova anyik vec; kʼ ame he öiök ka betenge gak walang ang.

Genese 30:22

Ke Khong ame ûnykûmi Rakela, me Khong ame löng kâu me ohnokoâ e.

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

II. Samuela 16:12

Ke ame ne be Iehova ka wâ hna okongu nya, me me he Iehova ka bi hwaban so könya hwaban hnen hna hangö nya hnyi bong ang.

Salamo 25:18

Ûnykûme ju anyik hmak me anyik vec; Me thang degecâ but anyik ta je hulo hia.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Ta je Vejec 31:2

Nokuk lö, ieû? nokuk lö, ûheny û hnyi hnyekuk, ieû? Nokuk lö, oge bi khöbi gan, ieû?

At Khet 5:4

U ka he ka bi khöbi ka Khong, ca bec bi he ka ohwâdâ; anyin a e ame ca senyin ka tavat ae monu: owhâdâ thö hnâm hna bi khöbi.

Levitiko 27:2

Ha thö ka lakon Isaraela, me ba ködra, ka habe, E ka he ke at ka bi khöbi ae ûnyi hnathu, ame he ka hobi kö Iehova je hnyat hoton ûnyi ae ûcû köu.

Numera 21:2

Me haba at Isaraela adre me hûkâlö khöbi kö Iehova, me ha, ka habe, U me ne he ka hna tavat ang ka hnyi hnyamok, me oge me he ka tha ohia anyidra ta je taun.

Numera 6:11

kʼ ame he at bihut ka hudo khaca hnân hudiny hulö, ke khaca hnân hudiny leû, me me bi hwaban anyin möt, anyin a kong ut ge ûnyi ae mok, kʼ adre me he ka okabâ hmeto ban hnyi bong eling.

Numera 6:5

Hnyi je bong hia adre okabâ e ge khöbi, adre me ca he ka kâlâ ban ge heleûgi: ke e ame he ka kap ke ne o but ame bekhöt ut je bong e ame okabâ e kö Iehova hnyin, kʼ ame he ka hna ban.

Numera 6:8

E kap kö Iehova hnyi je bong hia adre okabâ e hnyin.

Owisa 11:30

Ke haba Jefetha ame bi khöbi kö Iehova, ka habe, U je ne he ka hna laku Amona ka huyi hnyamök,

Owisa 13:5

ke wâ bi, u me he ka erkin, me hnokoâ da, ke adre me ca he ka ip heleûgi hon ban, anyin ame he ka Nazeri ka Khong wanakat ûnyi hnyi hnyok: ke e ame he ka hwân he ka omelö at Isaraela ûnyi ge at Filisiti.

I. Samuela 1:10

Ke e vec hnyekon momo, me e ame hic kö Iehova me tenge.

I. Samuela 1:12

Ke e ame tiga hic bala bi hnyi hnyimakö Iehova, me haba Eli ame wâhmakhmeto hnyimen.

I. Samuela 1:19

Ke ödrin e vesâkong me hic hnyi hnyimakö Iehova, me hmetu, me o hnyi hnyabadrin hnyi Rama: ke Elekana ame khanö Hana a âiân, me Iehova ame ûnykûme kâu.

I. Samuela 1:22

Ke a ca hnyi he bi Hana: anyin a e ame ha ka âiân, ka habe, Me hnebaiö but wanakat, me oge me he ka hom e me me manen hnyi hnyimakö Iehova, me laba balua but eling.

I. Samuela 1:27

Oge sumâtâ wanakat ang; ke Iehova ame ham könya hnok hna sumâtâ gan:

I. Samuela 1:28

Anyin a wale oge hia but hna minya e kö Iehova; adre hna kö Iehova hnyi ta je bonginy hia anyin möt. Me e ame khudrung kö Iehova eling.

I. Samuela 2:20

Ke haba Eli ame hahnahici Elekana me âiân, me e ame ha, ka habe, E so Iehova ame ham köu wan ûnyi ge momo eang, can bwihlany e ame me ham kö Iehova. Ke ödru me he hmetu ka hnyi hnyabadra.