I. Samuela 1:10 - Iaai Bible 1901 (New Caledonia)

¹⁰ Ke e vec hnyekon momo, me e ame hic kö Iehova me tenge.

I. Samuela 1:10 ပူးပေါင်းရင်းမြစ်များ

Genese 30:1

KE a wâ but Rakela a gʼ ame ca hnöku nöku Jekob, me Rakela ame hmönyin ka tuhan, me ha kö Jekob, ka habe, Ha nökuk ut, wâ inye mokcu.

Genese 50:10

Kʼ ödrin e o but ka hnyi hnahuje hwit anyi Atada, wale hoton Joridano, me ödrin e hnyamok eling me tenge hwege: ke e ame otilâ je bongon hnyamoko kamen a seven.

II. Samuela 13:36

Ke ame um dö ha, me wâ bi, ame o but je lakou than me ödrin e tenge goranyai: ke ame ti tenge gan hmâ minya than me lathnyabainy.

II. Samuela 17:8

Ke haba Husai ame ha minya, ka habe, E khanö u hwakecin kâmâm me tavat unyin, a ödrin hnyat ae hwege, ke hmonyin je hnyekudrin helâ me bea adre hûgûnâ lakon hnyi hnyot: ke at vat kâmâm, ke ame ca he ka tha mokut me tavat.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Jobu 10:1

OGE me sënyin dut ge melik; Oge me ca he bi ka thawâ anyik tenge; Kʼ oge me he ka fuc hnyi hinyin hanuk.

Jobu 7:11

Anyin a wale oge me ca he ka kât hnyimök Oge me he ka fuc ûnyi hnyi vecin hanuk; Kʼ oge me he ka tenge hnyi hlöuhlöuiny hnyekuk.

Jobu 9:18

E ame ca he ka hnö nya he ka menâ, E ame ounöngöti nya ge je ûnyi ae hiny.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Ta je Vejec 14:10

E khana hnyok anyin bi vec; Kʼ ame ca he atkanyua ka hnyi hanen anyin senyin.

Isaia 38:15

Ieû oge me he ka ha? e ame hia but ha könya, ke e bi at ame ânyâ: Oge me he ka omis he hnyi ta je hunaik hia can vecin hnyekuk.

Isaia 54:6

Anyin a hia but Iehova hawo u helâ me momo adre me degec ke hlöuhlöu hnyok, ke helâ me momo adre hom ke hlu, kʼ adre obâ degecâ, haingen Khongom.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 22:10

Ca tenge bi can at a mokcu, ke ca mâng bi gan: ke tenge hwege bi thö ge at ame he; anyin a e ame ca he ka hmetu, me wâ hnyei adre hnokoâ e hnyin.

Je tenge anyi Jeremi 3:15

E ame hia but öunöngöti nya ge ûnyi ae hiny me osekuni nya ge khökhö-long.

Luka 22:44

Ke e ame vec gan hmâ, me e ame hic hwege, ke haba khun gan ame hingölö ka hnyi kânâ, helâ me khukhulainy dra ae gan.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Owisa 21:2

Ke ame o but tavat hnyi Beth-ela, me laba eling ke ne o but sahac hnyi hnyimakan Khong, ke ödrin e tenge thungaû gan hmâ.

Rutha 1:20

Ke haingen ködrin, ka habe, Ca ha iök bi, me, Naomi, ke ha iök bi, me, Mara: anyin a haba hwakecin Aekhanahia me gan hmâ hiny kônya.

I. Samuela 1:11

Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.

I. Samuela 1:9

Me ame todrö Hana hwaban ödrin e hia but han me ic hnyi Silo. Ke haba Eli at bihut ame laba hon tap hmelen uthwanuma hnyi uma umo Iehova.