I. Peteru 4:8 - Iaai Bible 1901 (New Caledonia)

⁸ ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

I. Peteru 4:8 ပူးပေါင်းရင်းမြစ်များ

Ta je Vejec 10:12

Haba hmonyin, me wale at ame okûâ iwatretra: Ke ibetengiö ame tube ta je hulo hia.

Ta je Vejec 12:16

Ame ie manen hmonyin anyin at ae monu: Ke ame tube hmehma hnen at ae metâ.

Ta je Vejec 17:9

Haba at ame tube hna hanyâûâ, me ame elâm ibetengiö: Ke haba at ame hâhâ ta je ûnyi, me ame öûsâkâûöâ tavat me lawaedra.

Ta je Vejec 18:13

Haba at ame thu ka hofuc, ke tiga ca long wia, Me wale anyin monu bi, me hnân hmehma.

I. Korinito 13:1

OGE ne fuc hnyi je ifucin tavat me ta je angela, ke ba gak ibetengiö, me iny ûcû me fao ame cuha, me simebalo ame kitenge.

I. Korinito 13:4

Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

Kolose 3:14

ke haba ûnyi ae nua hon ta je ûnyi e, me ibetengiö, wale weny ae ti so.

I. Thesalonika 3:12

ke so Than ame he ka wiʼ öbun, mʼ öbun e he ka hûhûö me si but ibetengiö ke at ka ke at, me ka tavat hia thithö, ke helâe minya öhmun köbun;

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

Heberu 13:1

E SO e tethmâ ibetengiököu unyin hnyat me lakeiny.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

Iakobo 5:20

me so e ame wâhmakhmeto, a haba at ame ohmetuhmetoâ at ae kong ûnyi hnyi anyin monu me e ame omelö hanon ûnyi hnyi mok, kʼ ame he ka tube ta je hulo ae se hia.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

III. Ioane 1:2

Oûnykûmik lö, oge me khöûâ me u me sot, me hwege unyâm helâ me ihwegien hanom.