I. Peteru 4:18 - Iaai Bible 1901 (New Caledonia)

¹⁸ Ke a ne huliwa but he ka omelö tavat ae wisa, ame he ka manen ua at ame ca ot me at ae kong?

I. Peteru 4:18 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Ta je Vejec 11:31

Wâ bi adre me he ka bi hwaban eang hmeledrany ka at ae wisa: Ke hawa bi ge at ae monu me at ae kong!

Jeremia 25:29

Anyin a wâ bi, inya oge me hwân he ka oaatâ ûnyi ae kong ka taun wale adre wenyö kâu iök, ke hawa, adre me ca he minya ka bi hwaban köbun? Öbun e ca he ka he baû: anyin oge me he ka hawâ hele vat hobi kâu tavat hia thithö adre me laba eang hmeledrany, haingö Iehova tuhan sabaoth.

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Luka 15:1

AME hakekeny dö kâu ta je telona me tavat hia ae monu, he ka long kâu.

Luka 23:31

Anyin adre ne ânyâ ta je ûnyi ang hnyi ûö ae hât, ieû adre me he ka ânyâ hnyi ûö ae meleca?

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

Ta je huliwa 27:31

ke haba Paulo ame ha ka keneturio me ta je soja, ka habe, A ne ca laba hmâ hnyat e hon hu, me öbun e ca he ka möt.

Roma 1:18

Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;

Roma 5:6

Ke hnyi ûen a öta tiga sënyin, me ame mokcu Keriso, hnyi ûen ae ûcû, hobi kâu tavat ae kong.

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

I. Korinito 10:12

Anyin a wale haba at ame ûnykûme a e ame tethmâ, wâ eâu, e nye û but.

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

Heberu 4:1

ANYIN a wale e hu but gata hna ha bânâ he ka dit ka hnyi hnen hna menâ, me so ate me he ka ot, wâ e nye ca ûcû bi keihen gabun.

Iakobo 5:6

Öbun e hia but hangâ, öbun e hia but hlingâ at ae wisa; ke e ame ca hagutʼ öbun.

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

Juda 1:15

he ka bi hwaban ka tavat hia thithö, me he ka ohwâdâ ka tavat adre ca outen Khong, anyidra ta je huliwa ae ca ûcû ka Khong, waleji adre ânyâ me ca ot ka Khong, me ta je hofuc ae hwahwacit waleji a ha gan tavat ae kong adre me ca outen Khong.

I. Samuela 15:18

ke Iehova ame kunö u he ka vheno ke keihen hnyei, me ha köu, ka habe, He thö, me ti ohia but tavat ae kong a at Amaleka, me vat ju mödra ke ne o but ame hiʼ ödra.