I. Peteru 3:20 - Iaai Bible 1901 (New Caledonia)

²⁰ waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

I. Peteru 3:20 ပူးပေါင်းရင်းမြစ်များ

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 6:3

Ke Iehova ame ha, ka habe, Ame ca he bala hanuk ba ûö hwege me at, anyin a e thibi unyin: ke so bi haba bonginy je bong ame he ka khaca haded ke twente ta je huna.

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 6:8

Ke haba Noa ame wâ so hnyi hnyimakö Iehova.

Genese 7:13

Haba hnyi bong eling a khaca ame tha didrö ka hnyin aka Noa, me Sema, me Hama, me Jafeta je laku Noa, me öiö Noa, me kun a lâiân je lakon;

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

Genese 8:18

Me Noa ame didrut, me je lakon, me âiân, me lâiân je lakon a tha ödrin më:

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Mataio 7:14

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Roma 9:22

A ne beomanenâ tang hmonyin Khong, me olungâ maniny man, me ame hokhnyokâ beû hmâ ta je utkaiainy hmonyin waleji adre penapena hobi kâu hnaûhango:

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 1:9

ke öbun e kap obiny anyibun labageju, wale melen je hanubun.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

I. Peteru 3:19

ke ûnyi hnyi e, e ame he but me khetâ ka ta je hanu hnyi hnyin uma ceat,

I. Peteru 4:19

Anyin a wale e so ka tavat adre me vec hoton weny Khong he ka ânyâ hwakecin ae so me hna je hanudrin kâu at ae hnathu, a At ame op.

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;

II. Peteru 3:15

Ke ûnykûme ju öbun a haba hok hnyok beû hmâ anyin Tuhöta me wale möt, helâ me hna sihnalimen köbun ga Paulo liamekeiny mʼ öta a oûnykûmita, hoton metâ adre ham kâu;