I. Peteru 3:19 - Iaai Bible 1901 (New Caledonia)

¹⁹ ke ûnyi hnyi e, e ame he but me khetâ ka ta je hanu hnyi hnyin uma ceat,

I. Peteru 3:19 ပူးပေါင်းရင်းမြစ်များ

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 49:9

me ha ka tavat adre ca, ka habe, Didrut öbun; ke kodra hnyi dok ae lit, ka habe, Omanenʼ öbun ju. Adre me he ka han hnyi je gethen, me han tot hnyi je dok hia ae gorany.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

I. Peteru 4:6

Ke can e adre me khetâ ûthumetu ae so ka tavat ae mök, mʼ adre me he ka hnei ödra hnyi unyin helâ me at, kʼ adre möt hnyi hanu helâ me Khong.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.

Hna Omanenâ 20:7

Ke e ka bekhöt dö je huna a wan thauzan, me adre me he ka thong Satan hmetu but ûheny hnyi uma ceat,