I. Peteru 3:15 - Iaai Bible 1901 (New Caledonia)

¹⁵ ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

I. Peteru 3:15 ပူးပေါင်းရင်းမြစ်များ

Salamo 119:46

Oge me he minya ka ûhnenamö hnyi hnyimakan je than hnâm ta je hna ohnathoâ, Ke oge me ca he ka hmehma.

Ta je Vejec 15:28

Haba hnyekon at ae wisa, me ame ûnykûme hnen hna thu: Ke haba hnyimen at ae kong, me ame wala hofuc ae kong.

Ta je Vejec 22:21

He ka okhanö u hnathuiny je hofuc ae hnathu, Mʼ u me he ka hom hmetu ka tavat adre me kunö u ta je hofuc ae hnathu?

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 41:21

Ho jem hnobun hna ivino, ame ha Iehova; omanenâ thö hobun ta je hofuc ae hwege, ame ha Tuhö Jekob.

Isaia 5:16

ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Numera 20:12

Ke Iehova ame ha kö Mose me Arona, ka habe, Anyin a öbu me ca labageju könya he ka okabi nya hnyi hnyimakan lakon Isaraela, awe, öbu me ca he ka hom ûkhacaköu eang ka hnyi hnyei oge hia but ham ködra.

Numera 27:14

anyin a obe hanyâûâ hok hofuc hnyi hnyebuba Zin, waleji hnyi hna iwatretra hnen ûkhacaköu, he ka okabi nya hnyi an hnyi hnyimaködra. (Wale an Meriba e Kadesi, hnyi hnyebuba Zin.)

Ta je huliwa 21:39

Ke haba Paulo ame ha, ka habe, Iny at Juda ûhek Taraso hnyi Silikia, aten taun ae lung: ke inya oge me sumatö u he ka hnö nya he ka fuc ka tavat.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 1:5

ûnyi hnyi gejon adre ip ethö hnyi drany hobi köbun, waleji öbun e long ehac hnyi hofuc ae hnathu hnyi ûthumetu ae so,

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 6:1

ANYIN a wale, e so ate me umo hâiâ hna ûne a bân ge bongon Keriso, mʼ ate me he bi ka hnyi bongon ae bekhöt; ke ca he hmetu bi ka ip taben ietra hnyi ta je huliwa ae mok, ke labageju ka Khong,

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

I. Peteru 3:2

at ka wâ hwakecibun ae ba hnyikongon, me ot.

I. Peteru 3:4

ke so bi he ka omecâ at ae iyong eû hnyi hnyok, wale ûkhaû ame ca he ka bobot, wale hnyok ae menyik me ilemuk, wale ûnyi ae ûnyi hnathu hmonyin hnyi hnyimakan Khong.

I. Samuela 12:7

Anyin a wale todrʼ öbun walang ang, me inye he ka nʼ öbun hnyi hnyimakö Iehova hnyi ta je hwakecin hia thithö ae wisa anyi Iehova, wale e ame ânyâ köbun, me ta je lakamöbun.