I. Peteru 3:14 - Iaai Bible 1901 (New Caledonia)

¹⁴ Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;

I. Peteru 3:14 ပူးပေါင်းရင်းမြစ်များ

Ta je Vejec 3:25

Ca he bi ka outen ûnyi hnân ie outen, Me hna okongoâ anyin tavat ae kong e ka o but:

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Jeremia 15:15

Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Ezekiela 3:9

Oge hia but wia barem me me helâ me samira ae hwege hon oût: ca ot bi gadra, ke ca öbubuny ge je hnyimakodra, anyin a lap ûkhin fuc.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 10:31

Anyin a wale, ca he öbun ka ot, anyin a öbun beönua hon ta je wahelö ae se hia.

Mataio 10:39

Haba at ame wâ anyin möt, me ame he ka ohia e; ke haba at ame ohia anyin möt can inya, me ame he ka wâ e.

Mataio 16:25

Anyin e haba at ame beomelö anyin möt, me ame be ka ohia e: ke haba at ame he ka hna anyin möt can inya, ame he ka hu e.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mareko 10:29

Haingö Iesu, ka habe, E hnathu, inya oge me ha köbun, E ba at ame hia but hna but uma, me je liamekeiny, me lahaneny, me kamen, me hinyen, me lakon, me ta hnyei, can inya me evangelia,

Mareko 8:35

Anyin a haba at ame beomelö anyin möt, me ame he ka ohia e; ke haba at ame he ka hna anyin möt can inya me evangelia, me e ame he ka omelö e.

Ioane 14:1

CA hlohlo je hnyekubun: öbun e labageju ka Khong, labageju minya ju könya.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

II. Korinito 12:10

Wale me inye senyinâ ta je sënyin, me ta je hna okongo, me ta je hna theduoc, me ta je hna seda, me ta je vec can Keriso: anyin a iny ka sënyin, wale ûen a iny hwege hnyin.

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 5:11

Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

I. Peteru 3:6

ke helâe Sara ame löng hotu Aberahama, kʼ ame hawâ e, me than: ke öbun je lakon, öbun ka he ka mâdrâ so, me ca outen bi ke ûnyi hnân outen.