I. Peteru 3:11 - Iaai Bible 1901 (New Caledonia)

¹¹ E so e ame saû but ûnyi hnyi hulo, me mâdrâ so; E so e ame elâm ûsoköu, me hnu hoton e.

I. Peteru 3:11 ပူးပေါင်းရင်းမြစ်များ

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 2:3

Haba Iehova ame ha kö Satana, ka habe, Hawa u me wâ ûnykûme athnyabaik a Jobu? anyin ae ba ke at ae ûcû mē eang hmeledrany, at ae ti so hwakecin, ke wisa, ke e at ame outen Khong, me ûsâkâuö me hulo: ke e hwege bala bi hnyi anyin wisa, ke u me cubic nya he ka ohia e, ke ba can.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 125:4

Iehova lö, ânyâ thö sö ka tavat ae so, Me ka tavat adre me hnyok wisa.

Salamo 34:14

Hota ju hulo, ke mâdrâ so; Elâm hnahic, ke hnu hoton.

Salamo 37:27

Ûsâkâûö but me hulo, ke mâdrâ so; Mʼ u ma laba hmâ nyiele balua.

Ta je Vejec 16:17

Haba hna cit gethen deny at ae wisa, me ame saû ûnyi ge hulo: Haba at ame tuö deny gethen, me ame omelo hanon.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 3:7

Ca oûnyihnathoâ ânyâm bi metâ; Ot ju ga Iehova, me kec do ge hulo:

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 5:9

Hnahic hnen tavat adre me öûsoköuâ: anyin adre me he ka hai ödra me lakon Khong.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Mareko 14:7

Anyin a e bala ang unyibun ta je theduoc, ke khanʼ öbun he ka mâdrâ so ködrin hnyi ûen öbun e weny: ke oge me ca he bi nya ka laba bala unyibun.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Luka 6:9

Haba Iesu ame ha kodra, ka habe Oge me he ka hnei öbun, Hawa, e ûcû he ka mâdrâ so hnyi sabath, ame ne he ka mâdrâ hulö? he ka omelö at, ame ne he ka hlingâ?

Ioane 17:15

Oge me ca sumatö u a u me he ka hum ödrin ûnyi eang hmeledrany, ke so bi he ka tuʼ ödrin hnyi hulö.

Roma 12:18

Laba ûsoköu me tavat hia a ne khanʼ öbun.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 14:19

Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 7:19

Anyin oge me ca ânyâ ûnyi ae so a wek bi, ke oge me ânyâ bi hulo wale oge me ca wek.

Roma 7:21

Waleling mʼ inye wâ hnanyibu ang, a e ka wek bi he ka mâdrâ so, me tha e mönya bi monu.

Roma 8:6

Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Heberu 13:16

Ke ca he öbun ka hnying he ka mâdrâ so me betenge: anyin a wale je hut Khong ame senyinâ.

Iakobo 4:17

Anyin a wale, haba at ae khana he ka ânyâ so, kʼ ame ca ânyâ bi, wale hulo bi kâu.

I. Peteru 3:12

Anyin a e li emakan Than hon tavat ae wisa, Ke li hnyikonyen ame löng hijidra je hic: Ke e bi hnyimakan Than hon tavat adre me ânyâ hulo.

III. Ioane 1:11

Oûnykûmik lö, ca hnu hoton ûnyi ae kong, ke so bi ûnyi ae so. Ûnyi ge Khong at ame ânyâ so: haba at ame mâdrâ monu, me e ame ca wâ Khong.

Owisa 11:14

Ke haba Jefetha ame kunâ hmetu ke je metâ ka thaniny laku Amona: