I. Peteru 3:10 - Iaai Bible 1901 (New Caledonia)

¹⁰ Anyin a Haba at ame weny möt, Kʼ ame bewâ je bong ae so, Me so e ame noc bohmen hnyi monu, Ke li esongodiny wâ e nye fuc thoi:

I. Peteru 3:10 ပူးပေါင်းရင်းမြစ်များ

Jobu 2:4

Haba Satana ame thu kö Iehova, ka habe, Unen, hwaban unen, eke, haba ta je ûnyi hia hnen at hna hu, me e ame he ka ham hwaban anyin möt.

Jobu 33:28

E ame hia but omelö hanuk me me ca ut ka hnyi thop, Kʼ ame he anyik möt ka wâ melam.

Jobu 9:25

E logot bonguk je bong hon at ae hâhâ li can: Kʼ ame kec ut, kʼ ame ca wâ so.

Salamo 106:5

Mʼ oge me he so but helâ me tavat u je ûca, Mʼ inye he ka tha senyin me lakem, Me tha ohobeluâ me jekhom.

Salamo 27:13

Oge me monumonu, oge ne ca gejon he ka wâ so ûnyi ga Iehova Hnyi hnyei iny tavat ae möt.

Salamo 49:19

Ke so bi e ame he ka he ka ta je döiny lakamen; Kʼ adre me ca he bala bi ka wâ melam.

Ta je Vejec 3:18

Obiny möt e, ka tavat hia adre me kât e: Ke hnahic tavat adre me kât hmâ e.

Ta je Vejec 3:2

Anyin ame he ka oû kâu hnahic, Me je bong ae se hia, me möt ae beû.

Ta je Vejec 4:22

Anyin a wale melen tavat adre me wâ ta je ûnyi e, Me tang hwegien unyin hia.

Ta je Vejec 8:35

Anyin a haba at ame ö nya, me ame wâ möt, Kʼ ame he ka hu gan ibetengiö ûnyi ga Iehova.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

Mataio 19:17

Me e ame ha kâu, ka habe, Ieû gam u me hnö gak ûnyi ae so? Khaca thibi at ae so: ke a ne wem he ka didro ka hnyi möt vheno thö ta je hnanyibu.

Mareko 8:35

Anyin a haba at ame beomelö anyin möt, me ame he ka ohia e; ke haba at ame he ka hna anyin möt can inya me evangelia, me e ame he ka omelö e.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Ioane 12:25

Haba at ame hnyokâ anyin möt, me ame he ka ohia e; ke haba at ame hûkötiâ anyin möt eang hmeledrany, e ame he ka tuö e ke ne o but ka hnyi möt ame ca ba balua.

Deuteronomi 32:47

Anyin a ca ûnyi bi e ae hâhâ köbun: anyin a e melibun, ke haba ûnyi ge ûnyi eling me öbun e he ka osehia bongubun je bong hnyi hnyei öbun e he ka hanyâûâ Joridano ka hnyin mʼ öbun e labā.

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

Hna Omanenâ 14:5

Ke ba thoi adre me wâ hnyi je hnyimödra, anyin ae ba hnyikongudrin.