I. Peteru 2:25 - Iaai Bible 1901 (New Caledonia)

²⁵ Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

I. Peteru 2:25 ပူးပေါင်းရင်းမြစ်များ

Salamo 119:176

Oge hia but he monu helâ me mamoe a hia; ö u elom nya, Anyin oge me ca hnying ânyâm ta je hnanyibu.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Isaia 13:14

Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Jeremia 23:2

Anyin a wale walang hna ha hnö Iehova Khongu Isaraela ge tavat tuö mamoe tavat adre me tuö lakeik, ka habe, Öbun e hia but oveseâ halek je mamoe, me obʼ ödra, me ca senʼ ödra; wâ bi, oge me he ka bi hwaban ûkongon anyibun ta je huliwa, haingö Iehova.

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 18:12

Anyin a ieû ûnykûmenöbun? a ne ke at ae tren je mamoe a wan haded, ke ame he monu but khaca gadrin, hawa, e ame ca he ka hna bi nainte nain, me he ka hnyi je bucen he ka elâm at a he monu?

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 3:1

ANYIN a wale hnyat me lakeiny ae kap lö, hanen tavat adre me hawâ ûnyi hnyi drany, ûnykûme ju Aposetolo me At bihut ae nua hnyi anyita hmi, a Iesu;

Heberu 5:2

at ae khana he ka huliwa menyik ka tavat ae ba metâ gadra, me tavat ae monu, anyin ame igigiloâ e minya hnen ta je sënyin;

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.