I. Peteru 2:23 - Iaai Bible 1901 (New Caledonia)

²³ waleji adre oû, ke ame ca hnyi fuc bi; kʼ adre ovecâ, ke e ame ca ha ooti ödra hmetu; ke e ame ka hna e bi ka at owisa hnathoâ:

I. Peteru 2:23 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 31:5

Inya oge me hna hanuk ka hnyi hnyamâm: Iehova lö, Khongon hnathu, u je hia but bi hwaban anyik möt.

Salamo 37:5

Hna but dem gethen kö Iehova; Geju thö minya kâu, me e ame he ka ânyâ.

Salamo 7:11

Haba Khong at owisa ae wisa, Eke, e Khong at ae hmak ge monu hnyi je bong hia.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Isaia 53:7

Adre me ovecâ e, ke e ame ka hokhnyokâ, kʼ ame ca khong hnyimen bi; adre me lelö e helâ me nokon mamoe adre me hom he ka hlingâ, ke helâ me mamoe ame laba hnyibû hnyi hnyimakan tavat subâ leûnen; eke, e ame ca khong hnyimen.

Luka 23:41

Ke e wisa hnaûhango a otu, anyin adre bi hwaban kötu e me ûcû me hnötu hna mâdrâ: ke haba at ang, me ba bi monu gan.

Luka 23:46

Ke haba Iesu ame hongot hwege me ha, ka habe, Cica lö, inya oge me hna but hanuk ka hnyi li hnyamâm: ke a hia but ha hofuc e, e ame mokcu.

Luka 23:9

Ke e ame hnö e hnyi ta je hofuc ae se hia; ke e ame ca thu kâu.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Ta je huliwa 4:29

Ke walang ang, Than, ö u wâ ju anyidra ta je hna ootâ: me ham dö ka lathnyabaem he ka hwege ha hwâm hofuc,

Ta je huliwa 7:59

Ke adre me lûö Setefano, kʼ ame tiga hic me ha, ka habe, Than Iesu lö, kap ju hanuk.

Ta je huliwa 9:1

KE Saulo bala ame kong hnyekon he ka ootâ me hlingâ je laten Than, me e ame he ka at bihut ae nua,

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Efeso 6:9

Ke haba öbun je than, ânyâ helâe minya ju öbun ködra, ca ooti ödra: anyin ae khanʼ öbun a ethö hnyi drany tha Tuhöbun mʼ ödra, ke e ame ca wâhmakhmetoâ bi tavat.

II. Thesalonika. 1:5

wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can:

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 12:3

Anyin ae so öbun e ûnykûme e, at ame hokhnyokâ hnödra hna ivinö hwege mʼ ödra hnen tavat ae kong, wâ e nye sënyin me monumonu je hnyekubun.

I. Peteru 3:9

ca bi hwaban monu ge monu, me ûjao ge ûjao; ke so bi hahnahicâ; anyin adre hawʼ öbun kâe, mʼ öbun e he ka hnahic.

I. Peteru 4:19

Anyin a wale e so ka tavat adre me vec hoton weny Khong he ka ânyâ hwakecin ae so me hna je hanudrin kâu at ae hnathu, a At ame op.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.