I. Peteru 2:17 - Iaai Bible 1901 (New Caledonia)

¹⁷ Ogânâ thö tavat hia thithö. Betenge ju ge hnyat me lakeiny. Ot ju ka Khong. Ogânâ thö than tot.

I. Peteru 2:17 ပူးပေါင်းရင်းမြစ်များ

Genese 20:11

Ke Aberahama ame ha, ka habe, Oge me ûnykûme bi nya, ka habe, e ba ot ka Khong hnyi dok ang; me ödrin e he ka hlingö nya can öiök.

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 23:17

Ca hna but hnyekom he ka behnyekon ge tavat ae kong: Ke outö Iehova ju hnyi je bong hia thibut.

Ta je Vejec 24:21

Nokuk lö, outö Iehova ju me than: Ca tha e me tavat adre me hwihwiö:

At Khet 8:2

Haingök, Vheno thö hnanyibu anyin than, ke ûnyi ge ûhihinyköu hnyi hnyimakan Khong.

Levitiko 19:32

U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Zakaria 11:14

Ke haba ke uci, me oge me thu e, wale Je wen, mʼ oge me he ka ohmetro hwakecin liamekeiny, a Juda me Isaraela.

Mataio 22:21

Haingödrin kâu, ka habe, Kaisara. Me e ame ha ködrin ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Ioane 13:35

Wale me me he tavat hia thitbö ka wâhmakhmetoâ a latök öbun, hnyi hnobun hna ibetengiököu.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 13:7

Ham dö ka tavat hia anyidra ta je ûnyi: khûö ka at adre me khûö kâu; fat ka at adre me fat kâu, ot ka at adre me ot kâu; ogânâ at adre me ogânâ.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Efeso 5:21

ke ûlingköu öbun ju hnyi ot ka Keriso.

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

I. Timoteo 6:1

E ÛCÛ ka ta je athnyaba hia, tavat adre me hije hok he ka ve ogânâ latuhödra, mʼ adre me ca he ka haikongoâ ien Khong me hnen hna ûne.

Heberu 13:1

E SO e tethmâ ibetengiököu unyin hnyat me lakeiny.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:13

Löng hoton ju öbun ta je hnanyibu hia anyin at, em Than: ame ne ka than tot ae nua;

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

I. Samuela 15:30

Ke e ame ha, ka habe, Oge hia but ânyâ hulö: ke so bi ö u ogânö nya walang ang hnyi hnyimakan wahingatiny lakeik, me hnyimakan at Isaraela, ke u me he ka tha hmetu mönya me inye he ka khudrung kö Iehova Khongom.