I. Peteru 1:25 - Iaai Bible 1901 (New Caledonia)

²⁵ Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.

I. Peteru 1:25 ပူးပေါင်းရင်းမြစ်များ

Salamo 102:12

Ke haba u Iehova lö, u me he ka laba nyiele balua; Me hna ûnykûme köu, ke ne o but ka hnyi je dö hia.

Salamo 102:26

Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

Salamo 119:89

Iehova lö, adre otethmâ nyiele balua Ethö hnyi drany hwâm hofuc.

Isaia 40:6

Ifucin ke at ame ha, ka habe, Hongot dö. Ke haingen ke at, ka habe, Oge me he ka hongoti ieû? Hna önying tavat hia thithö, ke helâ me vongon hnyot hmanenanginy:

Isaia 40:8

Hna önying ame meleca, ke vongon ame kolu: ke tethmâ bi nyiele balua hofuc hwan Khonguta.

Mataio 5:18

Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Luka 16:17

E hâhâ he ka hia drany me hmeledrany, ke hmak he ka hia ke mataitusi ae ûhnyûkong hmonyin hnyi hnanyibu.

Ioane 1:1

HABA hnyi can, me waleji Logo, e unyin Khong Logo, haba Logo, me Khong.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

I. Korinito 2:2

Anyin ae mou but eû hnyi hnyekuk ehac, a gʼ ame ca he ka khanö nya ke ûnyi unyibun, ke hake Iesu thibi a gʼ adre osatauroâ ehac.

Efeso 2:17

waleling me me o me khetâ ûsoköu köbun a öbun sâkâû, ke ûsoköu ka tavat minya a ödra hakekeny:

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Tito 1:3

ke ame omanenâ hwan hofuc hnyi anyin je ûen, ge hna khetâ, waleji adre me hna könya hoton hna hûna ge Khong At a omeli ötâ;

Heberu 6:5

me drem cubecâ hofuc ae so anyin Khong, me je maniny dö ame he ka o,

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;