I. Peteru 1:23 - Iaai Bible 1901 (New Caledonia)

²³ anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Peteru 1:23 ပူးပေါင်းရင်းမြစ်များ

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Levitiko 11:37

Ke a ne kölu takoû je hatong adre ta, ge ke ûnyi a hanen unyin je ûnyi e a mokcu, me ame he ka bo so.

Malaki 2:3

Wâ bi, oge me he ka thawâ je hatong gabun, me khino tatet hnyi je hnyimaköbun, wale tatetiny halebun je hut; kʼ adre me he ka tha hom degeci öbun më.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Luka 8:11

Walang ûhöûcû, ka habe, Haba wan, wale hofuc hwan Khong.

Ioane 1:13

ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ioane 1:3

Adre me op ta je ûnyi hia thithö a deny e; ke ba ûnyi adre hia but op, a gʼ adre ca op gan.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Roma 1:23

ke adre me wia thö hmanenanginy Khong ae möt balua, me ûcûcûbongoâ e me at ame he ka mok, me je meno ame gâ, me je meno a vak can, me je ûnyi ame iyâû.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

I. Peteru 1:25

Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.