I. Peteru 1:20 - Iaai Bible 1901 (New Caledonia)

²⁰ waleji adre wâ bânâ adrem, kʼ at tiga ca bi taben hmeledrany, ke adre omanenâ but hobi köbun hnyi je bong a biliny walang ang,

I. Peteru 1:20 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Ta je Vejec 8:23

Adre otilö nya kâû adrem bala, hnyi hwân, Hnyi ûen ae tiga ba bi hmeledrany.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Ta je huliwa 2:23

wale at adre me hna but ûnyi hnyi musi wisa me wâ bânâ hnen Khong, kʼ öbun e hia but osatauroâ me hlingâ hnen hnyamen tavat adre me hanyâûâ hnanyibu:

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 3:11

hoton hnen hna ûnykûme bânâ, kâû adrem balua, he ka ânyâ ûnyi ge Keriso Iesu a Tuhöta:

Efeso 3:9

me he ka omelamâ tavat hia, mʼ adre me he ka wâ hna penapena ae iyong adre ikhâlâ adrem unyin Khong wale at ame op ta je ûnyi hia thithö;

Kolose 1:26

wale ûnyi ae iyong adre ikhâlâ ehac hnyi ta je ûen adrem, me ta je dö hia thithö; ke walang ang, adre hia but omanenâ e ka anyin wakap,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Ioane 1:2

(ke a manen dut möt, kʼ öhmun e hia but wâ me ohnathoâ, me thumetu öbun ge möt a nyiele balua bi, waleji ae unyin Kamen, kʼ adre me omanenâ kohmun):

I. Ioane 3:5

Ke e khanʼ öbun a gʼ ame manen dut me me he ka hom degecâ hulo; ke ba anyin hulo.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.