I. Peteru 1:19 - Iaai Bible 1901 (New Caledonia)

¹⁹ ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny:

I. Peteru 1:19 ပူးပေါင်းရင်းမြစ်များ

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 53:7

Adre me ovecâ e, ke e ame ka hokhnyokâ, kʼ ame ca khong hnyimen bi; adre me lelö e helâ me nokon mamoe adre me hom he ka hlingâ, ke helâ me mamoe ame laba hnyibû hnyi hnyimakan tavat subâ leûnen; eke, e ame ca khong hnyimen.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 22:20

Ke haba at ae hu hnyikongon, ca he öbun ka hudo: anyin a ca hnân kap soi öbun hnyin.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Numera 7:27

ke khaca nak bolok, ke khaca mamoe baga, ke khaca nokon mamoe baga, a khaca hunainy, hnân hudiny leû;

Numera 7:39

ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:36

ke e ame ö Iesu ame he, me haingen, ka habe, Wâ bi Arenio anyin Khong!

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 14:1

KE oge me wâ, ke wâ bi Arenio ame tot hon bucen Ziona ke e unyin tavat a wan haded ke fâte foa thauzan, ke adre hia but sihnalimen ien, ke ien Kamen hnyi hon je baridra.

Hna Omanenâ 14:5

Ke ba thoi adre me wâ hnyi je hnyimödra, anyin ae ba hnyikongudrin.

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.