I. Peteru 1:17 - Iaai Bible 1901 (New Caledonia)

¹⁷ Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

I. Peteru 1:17 ပူးပေါင်းရင်းမြစ်များ

Genese 47:9

Ke Jekob ame thu kö Farao, ka habe, Khaca haded me thöte ta je huna oge me he kanyua hnyin; wakhalet thibi me kong ta je hunainy möt a inya, ke ca tha ûcû me je bonginy hunainy möt anyin lakamök hnyi je bonginy hnödrin hna he kanyua hnyin.

I. Man Ûlabainy Je Than. 29:15

Anyin a je atkanyua ohmun hnyi hnyimâkâm, me tavat hunuma tot, helâ je lakamöhmun hia: haba bonguhmun je bong eang hmelen helâ me hmenon, ke ba tethmâ.

II. Man Ûlabainy Je Than. 19:7

Anyin a wale outö Iehova ju öbun: wâ eaû ke ânyâ thö: anyin ae ba monu unyi Iehova Khongutin, ke e ame ca wâhmakhmetoâ at, kʼ ame ca kap hwaban.

Jobu 34:19

Awe, hawa ge at ame ca wâhmakhmetoâ je than, Me ca oûnyihnatho at ae tren omjeû hon at ae theduoc; Anyin a huliwa anyin li hnyamen ödra hia.

Salamo 39:12

Iehova lö, long ju hijik hic, tevehlöng ju anyik tenge; Ca laba hnyibû ge deköiök: Anyin a iny atkanyua unyâm, Me at ame mē laba, helâ me lakamök hia thithö.

Salamo 89:26

E ame he ka hawo nya, ka habe, U thibi kamök, Me Khonguk, me kiciny melik.

Ta je Vejec 14:16

Ame ot at ae metâ, me kec ge hulo: Ke haba at ae monu ame bi gan, me ka geju kâu bi.

Ta je Vejec 28:14

Hnahic hnen at ame labö ot: Ke haba at ame onâkâ hnyekon me ame he ka ta ka hnyi vec.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Roma 11:20

Eke, adre subâ degeci ödra ûnyi hnyi ca labageju, ke u je tethmâ ûnyi hnyi ânyâm labageju. Ca bi gan, ke ot ju:

II. Korinito 1:2

E so e unyibun ibetengiö baû, me hnahic ûnyi ge Khong a Kamöta me Than Iesu Keriso.

II. Korinito 5:6

Anyin a wale e hwege bala hnyekuhmun, ke khanʼ öhmun, ka habe, e ka tiga öhmun hnyi unyin, e hiʼ öhmun unyin Than

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

II. Korinito 7:11

Anyin a wâ ju öbun ûnyi eang waleji e hmak hnyekubun hoton ae ûcû ka Khong e ame okûâ hna wâ wia unyibun, me ivinö, eke, me haiwisai öbun eke, me kong hnyekunâ, eke, me ot, eke, me weny ae gan hmâ, eke, me hnyok ae kahwa, eke, me bi hwaban! Haba hnyi ta je ûnyi hia öbun e hia but omanenʼ öbun bi ae ba anyibun hulo hnyi ûnyi eang.

Galatia 2:6

Ke haba hnyat eji ae lung (me ca khanö nya ödrin, ke ca ûnyi hnathu e könya: haba Khong ame ca wâhmakhmetoâ bi at) —haba hnyat eji ae lung, me ödrin e ca bi hanen bi könya:

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 3:14

Anyin a wale inya oge me cibouca ka Kamen,

Efeso 6:9

Ke haba öbun je than, ânyâ helâe minya ju öbun ködra, ca ooti ödra: anyin ae khanʼ öbun a ethö hnyi drany tha Tuhöbun mʼ ödra, ke e ame ca wâhmakhmetoâ bi tavat.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

Kolose 3:25

Anyin a haba at ae ca wisa, ame he ka hu hwaban hwakecin ae ca wisa: ke ba hna wâhmakhmetoâ bi tavat.

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Heberu 4:1

ANYIN a wale e hu but gata hna ha bânâ he ka dit ka hnyi hnen hna menâ, me so ate me he ka ot, wâ e nye ca ûcû bi keihen gabun.

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;