I. Peteru 1:15 - Iaai Bible 1901 (New Caledonia)

¹⁵ öbun e he ka kap hnyi ta je hwakecibun hia helâ me ûkapiny e at a hawʼ öbun;

I. Peteru 1:15 ပူးပေါင်းရင်းမြစ်များ

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 3:14

me wadring hwege ka hnyi haten he ka hu hwaban hna hawo nya ûnyi ethö ge Khong, ûnyi ge Keriso Iesu.

Filipi 3:20

Ke öta aten drany ethö; kʼ ate me halubahingen At ûhomeli ûheny thö, wale Than Iesu Keriso;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

I. Timoteo 4:12

E so ame ca he ke at ka hmiân ânyâm hidröu; ke u me he ka bi tulut ka tavat labageju, ge hwâm hofuc, me hwaʼ kecâm, me ibetengiö, me labageju, me hwaʼ kecin ae kalaöt.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong:

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?