I. Peteru 1:13 - Iaai Bible 1901 (New Caledonia)

¹³ Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 1:13 ပူးပေါင်းရင်းမြစ်များ

I. Je Than 18:46

Ke e unyi Elia hnyamen Khong; me e ame oweikâ hnyekon, me wâdring hnyi hnyimakö Ahaba ke ne o but hnyi homagouleny Jezerela.

II. Je Than 4:29

Me e ame ha kö Gehazi, ka habe, Hûkâlâ ju wen hnyekom, me hom anyik uci hnyi hnyamâm, me he: ame ne ûkhanö möu ke at, ca iouny mē; ke ame ne fuc köu ke at, ca fuc bi: ke u me he ka ip anyik uci hon hnyimakan wanakat.

Jobu 38:3

Hûkâlâ ju walang ang wen hnyekom me bi baga ju; Anyin a oge me he ka hnei u, ke u ma omanenâ könya.

Jobu 40:7

Hûkâlâ ju wen hnyekom walang ang me bi baga: Me oge me he ka hnei u, mʼ u ma omanenâ könya.

Esodo 12:11

Ke öbun e he ka han helâng, ka habe, öbun e he ka ca je hnyekubun, me bi taben je hnyeûcabun, me kât anyibun je uci: kʼ öbun e he ka han logot: wale paseka anyi Iehova.

Isaia 11:5

Ke wen hnyekon hwakecin bi ae wisa, ke wen fetriny hwakecin bi ae hnathu.

Jeremia 1:17

Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Mataio 20:4

ke e ame ha kodra, ka habe, He thʼ öbun ka hnyi hna belökâ vine, me oge me he ka bi hwaban köbun ûnyi ae ûcû. Me ödrin e he but.

Luka 12:35

Hûkâlâ ju wen je hnyekubun, ke so e umumelam anyibun je lamepa;

Luka 17:30

ke ame he ka helâe minya hnyi bong ame he ka manen hnyin Nokon at.

Luka 17:8

ke ame ca bân he ka ha kâu, ka habe, Penapena thö hnok hna he ka han, ke hûkâlâ ju wen hnyekom, me huliwa könya ke ne o but oge hia but han me ic; ke hwaban e, u me he ka han me ic?

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

I. Korinito 1:7

wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso;

I. Korinito 13:13

Ke walang ang e tethmâ kun ta ûnyi eang, ka habe, labageju, me geju, me ibetengiö; ke haba at ae beönua hnyi kun ta ûnyi eling, me ibetengiö.

Efeso 6:14

Awe, tethmâ ju öbun, kʼ adre oweikʼ öbun ge hnathu, me tube ûlaibun ge ûkhaûen vat, wale hwakecin ae wisa,

Kolose 3:4

E ka he ka manen dut Keriso a melita, mʼ ate me he ka tha manan mē hnyi hmanenang.

II. Thesalonika. 1:7

ke öbun tavat adre ovecâ, öbun e he ka tha menâ möhmun, e ka manen dut Than Iesu ûheny hnyi drany tha e me ta je angelainy maniny man

II. Timoteo 4:5

Ke u me he ka hnyokâ wisa hnyi ta je ûnyi hia, hokhnyok ju hnyi ta je vec, ânyâ thö hanymen at ame huliwan ûthumetu ae so, obekhötâ hanymâm hia thithö.

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 10:35

Anyin a wale, ca degec bi tang hwegi öbun, wale ae hu hwaban ae gan hmâ hnyin.

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 6:19

wale gejon ate me hu, helâ me iuniny hanu, ame hnathu me hmâ ke ame dit eiö hnyin hnyeule adre bi singiny;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 1:10

Ame elâm me hnö möt eling hnen ta je perofeta, tavat adre perofeta ibetengiö baû ame he ka o köbun:

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:12

Oge hia but sihnalimen okhulitâ köbun ûnyi ge Silevana, ke oge me ûnykûme ae liamekeiny ae hnathu, hnân he ka sihwegi öbun me ohnatho, ka habe, wale ibetengiö baû ae hnathu anyin Khong; tethmâ ju öbun hnyin e.

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.