I. Peteru 1:11 - Iaai Bible 1901 (New Caledonia)

¹¹ adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.

I. Peteru 1:11 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

Ta je huliwa 16:7

ke ödrin e o but cicö Musia, me ödrin e ûnykûme he ka he Bithunia ai; ke ame ca hnʼ ödrin bi Hanu Iesu;

Roma 8:9

Ke öbun ca aten bi unyin, ke ta je aten bi hanu, a ne eû hnyi hnyibun Hanon Khong. Ke a ne ca hu bi ge ke at Hanon Keriso, ca aten bi at eling.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

II. Peteru 1:21

Anyin ame ca o ke hna perofeta ehac ûnyi hnyi weny at, ke ame ha tavat ûnyi ge Khong, ke a huliwan je hnyekudrin hnen Hanu Kap.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.