I. Korinito 7:34 - Iaai Bible 1901 (New Caledonia)

³⁴ E ve bongon bi minya momo ae hu âiân, me hlu. Haba at ae hu âiân ame ûnykûme loloâ ge ta je ûnyi anyin Than, me me he ka kap hnyi unyin me hanu: ke haba at ae hu âiân baga, ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân a baga.

I. Korinito 7:34 ပူးပေါင်းရင်းမြစ်များ

Ioane 10:13

e ame kec dö anyin a e at ame hok hwaban, kʼ ame ca ûnykûme ka ta je mamoe.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

I. Korinito 6:20

anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.

I. Korinito 7:33

ke haba at ae hu âiân ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân.

I. Korinito 7:35

Ke inya oge me ha e, mʼ öbun e so; oge me ca benuc öbun, ke so bi möbun e laba so, me me ba vhet öbun ka he ka bi athnyabainy Than.

II. Korinito 11:28

Ke ca ta je ûnyi ûnyi hnyi hoton thibi, ke ka e bala bi anyik hmak hnyi je bong hia, wale oge me kong hnyekunâ ge ta je ekalesia hia.

II. Korinito 8:16

Ke ole ka Khong at ame ip hnyi hnyeku Tito ibetengiö köbun helâe.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

I. Timoteo 3:5

(anyin a ne ca khana at he ka muso anyin lap, me ame he ka hawa ka tuö ekalesia anyin Khong?)

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat: