I. Korinito 7:10 - Iaai Bible 1901 (New Caledonia)

¹⁰ Ke oge me hûna ka tavat ae hu laöiödra, ke so bi ca inya, ke Than bi, ka habe, Ca he bi momo ka hna degecâ âiân,

I. Korinito 7:10 ပူးပေါင်းရင်းမြစ်များ

Jeremia 3:20

E hnathu, öbun e hia but ânyâ hwakecin ae iyawo könya lap anyi Isaraela, helâ me momo ame degec âiân ge hwakecin iyawo, haingö Iehova.

Mataio 5:32

ke inya bi oge me ha köbun, ka habe, haba at ame degec âiân, kʼ ame ca bi ûnyi monu, me e ame kunâ e he ka bi ûnyi monu; kʼ ame bi ûnyi monu minya at ame hom momo e adre degec.

Mareko 10:2

Ke ame o but kâu ta je Faresaio, me hnö e, ka habe, Hawa e ûcû ka at he ka degec âiân? adre me cubec e.

Luka 16:18

Haba baga at ame degec âiân me hom hmetu ke at, ame bi ûnyi monu e: ke haba baga at ame hom momo a degec âiân, ame bi ûnyi monu.

I. Korinito 7:11

(ke e ka he ka hna degecâ, me so e ame hake laba ju, ame ne ca më ûsoköu hmetu me âiân a baga): ke ca he baga ka hna degecâ âiân.

I. Korinito 7:12

Ke inya oge me ha ke keihen, ke ca ûnyi bi ge Than, ka habe, A ne hu liamekeiny ae hu âiân ame ca labageju, ke weny bi momo ke ka tha laba më, ca he bi ka hna degecâ momo.

I. Korinito 7:15

Ke a ne hna degecâ hnen at ame ca labageju, hna but e ka he but: anyin ame ca laba hwenbâ ke liamekeiny ame ne ke haniny hnyi ûnyi a helâe: ke haba Khong ame hawʼ öta ka hnyi ûsoköu.

I. Korinito 7:25

E ba hnanyibu anyin Than könya ge wahlu: ke oge me omanenâ ûnykûmenök, helâ me at ame hnathu ûnyi ge ibetengiö anyin Than.

I. Korinito 7:40

Ke beönua hnahic anyin momo e, e ka laba safac bala, wale hnok hna ûnykûme: ke inya oge me ûnykûme ae hu but gak Hanon Khong.

I. Korinito 7:6

Ke oge me ka ha e ûnyi gak, ke ca ûnyi ge hna hûna bi.