I. Korinito 6:9 - Iaai Bible 1901 (New Caledonia)

⁹ Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

I. Korinito 6:9 ပူးပေါင်းရင်းမြစ်များ

Genese 19:5

ke adre me hawo Lota me ha, ka habe, Ewa li at eja ödre o köu sahac? Hum ödru but köhmun e me ûkhanöhmunköu thö.

Esodo 23:1

U CA he ka kap ûthumetu ae thoi: ke ca hai hnyamâm tha u me at ae monu he ka ohnatho ûokonguny.

Ta je Vejec 11:1

IKIKI kö Iehova tulut uhni ae iyawo; Ke e ame senyinâ tulut ae ti wisa.

Ta je Vejec 22:8

Haba at ame tā hulo, me ame he ka meno vec: Kʼ ame he ka hia uciny anyin wathethot.

Ta je Vejec 7:27

Gethen ame he hedis ai umen uma, Ame ihnyöng ka hnyi je hnyeuleny mok.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Ezekiela 18:11

ke ame ca ânyâ bi je hanymen eling, ke so bi a hia but hnyi han hon je bucen, ke okongoâ âiân ke at,

Levitiko 18:20

Ke u me ca he ka tha mokut me âiân ke at, he ka okongu u unyin.

Levitiko 18:22

U me ca he ka tha mokut me ke baga, helâ me hwakecin tha mokut me momo: wale thibi ikiki.

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Levitiko 20:13

Ke ame ne he ke baga ka tha mokut me ke baga helâ me hwakecin tha mokut me momo, ödru me ânyâ ûnyi ae ikiki: adre me he ka tha hlingʼ ödru; kʼ ame he ka takû ödru ge drödru.

Zakaria 5:3

Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Ta je huliwa 20:32

Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 1:18

Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;

I. Korinito 15:33

Ca iyâûʼ öbun bi: ûhnenamö ae monu, wale at ame okongoâ hwakecin ae so.

I. Korinito 15:50

Hnyat me lakeiny, oge me ha, ka habe, e ca khana viny me dren he ka hu dokhu dokhon Khong; ke ca khana minya bobot he ka hu hna ca bobot bi.

I. Korinito 3:16

Hawa, e ca khanʼ öbun a haba öbun me hnân uma kap a umen Khong, kʼ ame laba Hanon Khong eû hnyi hnyibun.

I. Korinito 5:1

AME lung a öbun e bi ûnyi monu, ke ba bi ûnyi monu ae kong helâe unyin Aten ta je hnyei, wale a gʼ ame he at ka hom âiân kamen.

I. Korinito 5:10

oge me ca ha, ge tavat bi ûnyi monu eang hmeledrany, me tavat behnyekon, me tavat hûgûnö omjeû, me tavat adre me hmi ka hnatheat; anyin a ne helâe, me hamöbun he ka he but ûhebun ang hmeledrany:

I. Korinito 5:11

ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe.

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

I. Korinito 6:18

Kec dö ûnyi hnyi bi ûnyi monu. Ame ca he ka oaatâ ka hnyi unyin ta je monu ame ânyâ at, ke haba at ame bi ûnyi monu, me ame ka hamen okongoâ unyin bi.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

I. Korinito 9:24

E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

Galatia 6:7

Ca omonu öbun bi; e pason he ka iyawâ Khong: anyin a haba hna tā hnen ke at, me e ame he bi ka meno minya helâe.

Deuteronomi 22:22

Adre me ne wâ ke at ame tha mokut me momo a âiân ke baga, me ödru me he ka mok, wale baga at ame tha mokut me momo, ke momo minya: helâe u me he ka ohia hulö unyi Isaraela.

Deuteronomi 22:5

Ame ca he momo ka khavâ khaûen baga, kʼ ame ca he baga ka khavâ khaûen momo; anyin a hûkötianö Iehova Khongom ödra hia adre me ânyâ helâe.

Deuteronomi 23:17

Ame ca he ka hu momo hnyi gethen a at Isaraela, kʼ ame ca he ka hu at hwen Sodoma unyin obagainy Isaraela.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Iakobo 1:16

Ca monu öbun hnyat me lakeiny mönya a oûnykûmik.

I. Ioane 3:7

Je wanakat lö, ca he ka omonu öbun hnen ke at: e wisa at ame ânyâ hwakecin ae wisa, helâ më ae wisa:

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Owisa 19:22

Ke ödrin e tiga osenyinâ je hnyekudrin, wâ bi, je aten taun, a je atö Belial, ödrin e tot igigilo uma, me kot hwanuma; me ha ka at ae tren uma, wale hingat, ka habe, Hom but jem at a he ka hnyi umâm uma, me me ûkhanöhmumköu thö.