I. Korinito 6:3 - Iaai Bible 1901 (New Caledonia)

³ Anyin ae ca khanʼ öbun a gʼ ate me he ka owisa ta je angela? awe, e ti ûcû köta he ka owisa ta je ûnyi hnyi möt ang?

I. Korinito 6:3 ပူးပေါင်းရင်းမြစ်များ

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Daniela 7:22

ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Luka 8:14

Haba keihen ame kölu hnyi wanben ta je ûö ae ûdedö, wale tavat adre me long, me he but, me ame kû takû ödra hnen ta je vhet, me omjeû, me ta je senyin ge möt ang, kʼ adre me ca wa wan ae metu.

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

I. Korinito 6:15

Ke ca khanʼ öbun a haba je unyibun, me wale je outhunyin Keriso? anyin a wale, hawa oge me he ka hom je outhunyin Keriso he ka wia me hnân outhunyin momo hnyi gethen? Ohe.

I. Korinito 6:16

Hawa, e ca khanʼ öbun a haba at ame hom momo hnyi gethen, me khaca but unyidru? anyin a haingen, ka habe, Ame he ka khaca unyidru.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

I. Korinito 6:4

Waleling a ne hu gabun ta je ûnyi hnyi möt ang he ka owisa, hawa, öbun e kunâ waûhnyûkong hnyi ekalesia he ka owisa!

II. Timoteo 2:4

E ba at vat ame bi ovheliny ge ta je ûnyi anyin möt eang; me me he ka osenyinâ e waleji at ame ûca me hnân at vat.

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

Juda 1:6

Ke haba ta je angela waleji adre me ca tethmâ hnyi hanymödra ae gan hmâ, ke adre me hna degecâ hing hnyabadra, me e ame hia but cʼ ödra hnyi menekholom a nyiele balua ke ne o but bong owisa a bong ae gan.