I. Korinito 6:2 - Iaai Bible 1901 (New Caledonia)

² ke öbun e ne owisa hmeledrany, hawa, e ca ûcû köbun he ka owisa ta je ûnyi ae ûhnyûkong?

I. Korinito 6:2 ပူးပေါင်းရင်းမြစ်များ

Salamo 49:14

Adre me ip ödra a hnahat hobi kâu hedis; Kʼ ame tuʼ ödra ge mok, helâke at tuö mamoe: Ame he tavat ae wisa ka musi ödra hnyi haolany; Kʼ ame he anyidra hmanenang ka bi obiny hnyi hedis, me me ba umen bi e.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:22

ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Luka 22:30

mʼ öbun e he ka han me ic hnyi anyik laulau hnyi dökhuk dokhu; ke öbun e he ka ve laba hon je theron he ka owisa ta je tribu anyin at Isaraela a twelv.

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

I. Korinito 1:20

Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany?

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 6:4

Waleling a ne hu gabun ta je ûnyi hnyi möt ang he ka owisa, hawa, öbun e kunâ waûhnyûkong hnyi ekalesia he ka owisa!

II. Korinito 4:18

ke öhmun e ca wâ hmâ ta je ûnyi ae manen, ke so bi ta je ûnyi ae ca manen bi: anyin a haba ta je ûnyi ae manen me e hu obiny; ke haba ta je ûnyi a ca manen bi, me nyiele balua.

I. Thesalonika 3:13

me me he ka otethmâ je hnyekubun ae ba hnyikongon hnyi hwakecin ae kap hnyi hnyimakan Khong a Kamöta, e ka o hmetu but Tuhöta Iesu, tha e me anyin wakap hia thithö.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.