I. Korinito 5:8 - Iaai Bible 1901 (New Caledonia)

⁸ anyin a wale, e so ate me he ka tuö bijeû, ca hnen leven adrem, ke ca hnen leveniny hnyok ae kong me hwakecin ae kong, ke so bi hnen areto adre ca levenâ bi wale hnyok ae wisa me hnathu.

I. Korinito 5:8 ပူးပေါင်းရင်းမြစ်များ

Salamo 32:2

Hnahic hnen at wale Iehova ame ca ha anyin hulo, Ke ba iyawö hnyi banon.

Salamo 42:4

Oge me ûnykûme ta je ûnyi eling, me hingâlâ hanuk eû hnyi hnyekuk, Waleji ge hnok hna tha he me bunyen, me hum ödra ka hnyi uma umen Khong, Tha ohmun me hwan senyin me oganâ, at se hia adre me tuö bong ae kap.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:19

Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Esodo 12:8

Ke haba utiö adre le hnyi meic, adre me he ka tha han hnyi lit eling, me areto adre ca levenâ bi; kʼ adre me he ka han me bi uten ge ta je bö ae hiny.

Esodo 13:6

Haba hnyi seven ta bong u ma he ka han areto adre ca levenâ bi, ke haba hnyi bong a seveniny adre me he ka bi jeû kö Iehova.

Esodo 13:7

Adre me he ka han areto adre ca levenâ hnyi je bong hia a seven; kʼ ame ca he ka hu unyâm areto adre levenâ, kʼ ame câ he ka hu leven unyâm, hnyi em hnyei hia.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 30:29

Öbun e he ka hu khumöng helâ me hnyi lit hnyi j hna ânyâ bijeû; ke ame he ka senyin hnyok, helâ me at ame hom utkowi he ka he ka hnyi bucen anyi Iehova, ka Kici Isaraela.

Levitiko 23:6

Ke hnyi bong a fiftininy tehi eling, me wale bongon han areto adre ca levenâ kö Iehova: öbun e he ka han areto adre ca levenâ hnyi seven ta bong.

Mataio 16:12

Me ödrin e wâ ûnykûme a e ame ca ha ködrin he ka wâ leveniny areto, ke so bi ûne anyin ta je Faresaio me je Sadukaio.

Mataio 16:6

Haba Iesu ame ha ködrin, ka habe, O ʼbun âu ge leven anyin ta je Faresaio me ta je Sadukaio.

Mareko 8:15

Ke e ame hûna ködrin, ka habe, E, ö ʼbun aû ge leven anyin ta je Faresaio me leven anyi Heroda.

Luka 12:1

HNYI ûen eling ame ûkhacaköu tavat ae se hia je thauzan, ke adre me iutiödraköuödra, me e ame hwân ka ha bânâ ka laten, ka habe, Ö ʼbun âu ge leven anyin ta je Faresaio wale thoi.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 5:1

AME lung a öbun e bi ûnyi monu, ke ba bi ûnyi monu ae kong helâe unyin Aten ta je hnyei, wale a gʼ ame he at ka hom âiân kamen.

I. Korinito 5:6

E ca so anyibun hobeluâ. Hawa e ca khanʼ öbun a gʼ adre olevenâ tap falawa ae gan hnen leven ae ûhnyûkong?

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 8:8

Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen.

Efeso 6:24

E so e unyibun hia ibetengiö baû, wale a tavat a wedra hnathoâ ka Tuhöta Iesu Keriso.

Deuteronomi 16:16

Ke ame he obaga hia ka okun o hnyi hnyimakö Iehova Khongom hnyi huna hnyi dok e ame he ka ûca: hnyi bijeûiny areto adre ca levenâ, me bijeûiny je wik, me bijeûiny je uma hunuma: ke adre me ca he ka manen hnyi hnyimakö Iehova ke ba ta ûnyi:

Deuteronomi 16:3

U me ca he ka tha han e me leven, u me he ka han e me areto adre ca levenâ hnyi je bong a seven, a aretoiny vec eling; anyin a u je he mweimwei ûhem hnyi hnyei Aigupito: mʼ u me he ka ûnykûme hnyi bongom ta je bong hia, ge bong u me he ûhem hnyi hnyei Aigupito.

Josua 24:14

Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.