I. Korinito 5:2 - Iaai Bible 1901 (New Caledonia)

² Ke öbun e bi gan, kʼ öbun e ca hlöuhlöu bi, mʼ adre me he ka obâ but ûnyi gabun at ame ânyâ ûnyi eling.

I. Korinito 5:2 ပူးပေါင်းရင်းမြစ်များ

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Numera 25:6

Ke wa bi, haba ke at Isaraela ame hom ke momo Midiana ka je liamekeiny mē, hnyi hnyimakö Mose, me hnyi hnyimakan ûkhacaköu anyin lakon Isaraela hia, ödra adre me tenge hnyi hwanumen uma ûkhacaköu.

I. Korinito 4:18

E bi gan dut keihen gabun helâke oge me ca he ka o köbun.

I. Korinito 5:13

ke Khong ame owisa tavat adre me laba eû hnyöu? Obâ but unyibun at ae kong.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.