I. Korinito 5:10 - Iaai Bible 1901 (New Caledonia)

¹⁰ oge me ca ha, ge tavat bi ûnyi monu eang hmeledrany, me tavat behnyekon, me tavat hûgûnö omjeû, me tavat adre me hmi ka hnatheat; anyin a ne helâe, me hamöbun he ka he but ûhebun ang hmeledrany:

I. Korinito 5:10 ပူးပေါင်းရင်းမြစ်များ

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 17:9

Inya oge me hic hobi ködrin: oge ca hic hobi kâu hmeledrany, ke hobi ködrin bi u je ham könya; anyin a ânyâm ödrin:

Ioane 8:23

Me e ame ha kodra, ka habe, Ûkebun eang hmelen; ke ûhek thö: öbun aten hmeledrany, ke iny ca at hmeledrany bi nya.

I. Korinito 1:20

Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany?

I. Korinito 10:27

A ne hawʼ öbun ke at ame ca labageju bi, ke webun he ka he; an ju ta je ûnyi adre ip hnyi hnyimaköbun, ke ca ûhnei bi, can ûnyi hnyi ûnykûm sah.

I. Korinito 5:11

ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe.

I. Korinito 5:9

Oge hia but sit köbun hnyi anyik tusi, ka habe, ca tha he öbun me tavat bi ûnyi monu;

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Filipi 2:15

me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany,

I. Ioane 4:5

Odra lahanen hmeledrany, anyin a wale adre me hwen hmeledrany, ke ame ling ödra hnen hmeledrany:

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.