I. Korinito 4:7 - Iaai Bible 1901 (New Caledonia)

⁷ Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?

I. Korinito 4:7 ပူးပေါင်းရင်းမြစ်များ

Ta je Vejec 2:6

Anyin a Iehova ame ham metâ; Ke ûnyi hnyi hnyimen ame o wâhmakhmeto me wâ ûnykûme:

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Luka 19:13

Me e ame hawâ ke je athnyabainy a ten, me ham ködrin je mina a ten, me ha ködrin, ka habe, Huliwan dö ke ne o but hnyi ûen oge me o hnyin.

Ioane 1:16

Eke, ate me hia but ve kap jekhoû ûnyi hnyi anyin unöngöt, wale betenge bâu ke betenge bâu.

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 12:3

Anyin a inya oge me ha köbun hia thithö, hnen betenge baû adre ham könya, ka habe, ca he ke at ka ûnykûme ogânâ e bi hon ûnyi ae ûcû he ka ûnykûme, ke ûnykûme ûhnyûkongoâ thibi, hoton hna khenâ ka ke at me ke at tulutiny labageju hnen Khong.

Roma 12:6

E hu but gata je hna ham bâûâ ae ve bongon bi hoton ibetengiö baû adre ham köta, a ne hnân operofeta, e so e ânyâ hoton kahmen labageju:

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

I. Korinito 3:5

Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

I. Korinito 5:6

E ca so anyibun hobeluâ. Hawa e ca khanʼ öbun a gʼ adre olevenâ tap falawa ae gan hnen leven ae ûhnyûkong?

I. Korinito 7:7

Ke e wek e me tha ûcû mönya tavat hia. Ke so bi e ve hu ge tavat bwihlany ûnyi ge Khong, ke at ame helâng, ke ke at ame helâe.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;