I. Korinito 4:5 - Iaai Bible 1901 (New Caledonia)

⁵ Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

I. Korinito 4:5 ပူးပေါင်းရင်းမြစ်များ

Jobu 12:22

E ame omanenâ ta je ûnyi ae iyong ûnyi hnyi menekholom, Kʼ ame hom dö hmenon mok ka hnyi lany.

Ta je Vejec 12:8

Adre me he ka haisoâ at hoton anyin metâ: Kʼ adre me he ka hûkotiâ at ae hwali hnyekon.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Mataio 10:26

Anyin a wale, ca ot bi gadra: anyin ae ba ûnyi adre me ikhâlâ ame ca he ka manen; ke ba minya ûnyi ae iyong adre me ca he ka wâ.

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 24:46

Hnen hnahic athnyaba eling, e ka o tuhan ka wâ a gʼ ame ânyâ helâe.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Mataio 25:23

Haingen than ame ha, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia: didro ka hnyi senyin anyin tuhâm.

Luka 6:37

Ca ûnykûme hwalö bi, mʼ adre me ca he ka ûnykûme hwali öbun: ca haimono, mʼ adre me ca he ka haimonu öbun: thang bâûâ mʼ adre me he ka thang bâûʼ öbun bi:

Ioane 21:22

Iesu ame ha kâu, ka habe, Oge ne wek e ame he ka ûlubahing ke ne o but oge me o, hnân eû köu? he bi u hotuk.

Ioane 21:23

Me ame lung igigilo hofuc e unyin je liamekeiny, a gʼ ame ca he ka mok aten eling: ke a ca ha Iesu kâu, a e ame ca he ka mok; ke so bi, Oge ne wek e ame he ka ûlubahing, ke ne o but e ame o, hnân eû köu?

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Roma 14:4

Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e.

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

Roma 2:29

ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

I. Korinito 1:7

wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso;

I. Korinito 11:16

Ke a ne ke at ame weny he ka ivinö, me ba hwakecin helâe gahmun, me ta je ekalesia anyin Khong.

I. Korinito 11:26

Anyin a haba ta je ûen öbun e an hnyin areto eang, me ijem hnyin kaia, me öbun e omanenâ mok anyin Than, ke ne o but ûen e ame he ka o hnyin.

I. Korinito 15:23

Adre me he ka ve tot gaga, a ban Keriso, hwaban e je laten Keriso, e ka o but.

I. Korinito 3:13

me ame he ka ve manen dut huliwa anyin at: anyin a hamen bong he ka omanenâ bi, kʼ adre me he ka omanenâ e hnen meic; ke hamen meic he ka ve cubic huliwa anyin at me me manen dut bongon.

I. Korinito 3:14

A ne tethmâ huliwa anyin ke at, waleji e ame op goranyai hon, me e ame he ka kap hwaban.

I. Korinito 3:8

Ke khaca thibi at ame tā me at ame hû: kʼ ame he ka ve hu hwaban ae ûcû ka hnyi anyidru huliwa.

II. Korinito 10:18

Anyin adre me ca he ka kap at ame ka haisoâ e, ke so bi hnen Than hna haisoâ.

II. Korinito 10:9

anyin ae ca wek he ka ooti öbun ge anyik ta je tusi.

II. Korinito 4:2

ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

I. Thesalonika 5:2

Anyin ae khanʼ öbun wia a gʼ ame he ka o bong bonginy Than helâ me at venöu hnyi lit.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

Iakobo 5:9

Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

II. Peteru 3:12

me tavat halubahingen me webun he ka o but bong bongon Khong, wale ame he ka thong drany me me he ka oköiâ e, ke ame be ka köiö but ge kahwa ae gan hmâ ta je ûnyi hia thithö?

II. Peteru 3:4

me ha, ka habe, Ewa hna ha bânâ a gʼ ame he ka o? anyin a hwân dö hnyi ûen mokut a lakamöta adrem, me ame tethmâ bala ta je ûnyi hia thithö, waleji hwân hnyi hna op ta je ûnyi hia.

Juda 1:14

Ke haba Enoka, waleji a seveniny hwân ga Adamu, ame perofeta minya ka tavat ang, ka habe, Wâ ju ame he ka o Than tha e me anyin wakap a je ten thauzan,

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.