I. Korinito 4:4 - Iaai Bible 1901 (New Caledonia)

⁴ Anyin ae ca khanö nya bi monu gak; ke so bi e ca hnân hai-wisö nya ûnyi e: ke Than bi at ame owisö nya.

I. Korinito 4:4 ပူးပေါင်းရင်းမြစ်များ

Jobu 15:14

Ehö at me me hau bi? Ke hna hnokoâ hnen momo, me me wisa?

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Jobu 27:6

Inya oge me kât hmâ hwakecik ae wisa, ke oge me ca he ka hna but: Ame ca he hnyekuk ka haikongu nya iny ka tiga möt.

Jobu 40:4

Wâ bi, iny thatûnyi: ieû oge me he ka thu köu? Oge me kât hnyimök.

Jobu 9:20

Oge ne he ka haiwisai nya, ame he hnyimök ka haikongu nya: Oge ne ha, ka habe, iny wisa, e ame he ka haihwali nya.

Salamo 130:3

Ja a Than lö, u je ne he ka bi haten je hulo, Ie at ame he ka tot?

Salamo 143:2

Ke u me ca he ka ûhnei me athnyabaem; Anyin ae ba at ae möt ae wisa hnyi hnyimâkâm.

Salamo 19:12

Ie at ae khana he ka wâ monu unyin? Ö u degecâ but anyik ta je monu ae iyong.

Salamo 26:12

Ame tot li cak hnyi dok ae wisa hon: Kʼ oge me he ka haisoi Iehova hnyi jo ûkhacaköu.

Salamo 50:6

Ke ame he je drany ka omanenâ hwakecin ae wisa; Anyin a Khong thibi at ame owisa. [Sela.

Ta je Vejec 21:2

Haba je gethen hia deny at, me ka wisa bi kâu: Ke Iehova ame tuluto je hnyok.

Ta je Vejec 29:26

E se hia tavat adre me elâm ibetengiö ge at musi: Ke ûnyi ga Iehova hna owisa ka at.;

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ta je huliwa 23:1

HABA Paulo ame wâ hmâ ûhnenamö, me ha, ka habe, Hnyat me lakeiny lö, oge hia but laba me oûnykûmik ae so hia hnyi hnyimakan Khong ke ne o but hnyi bong ang.

Roma 2:13

anyin ae ca wisa hnyi hnyimakan Khong tavat adre me long hnanyibu ge hnyiköny, ke adre me he ka haiwisa tavat adre me long hoton hnanyibu:

Roma 4:2

Anyin adre ne haiwisai Aberahama ûnyi hnyi huliwa, me hu but kâu hnân ohobeluâ; ke ba bi ge Khong.

I. Korinito 4:3

Ke ûnyi ae hâhâ hmonyin könya öbun ka he ka owisö nya bi, me hna owisa hnen at: eke, inya oge me ca ka owisö nya bi.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.