I. Korinito 4:10 - Iaai Bible 1901 (New Caledonia)

¹⁰ Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû.

I. Korinito 4:10 ပူးပေါင်းရင်းမြစ်များ

II. Je Than 9:11

Ke haba Jehu ame he ka lathnyabainy tuhan: ke haingen ke at kâu, ka habe, Hawa, e so? anyin a ieû ame o köu at e ae monu? Me haingen ködrin, ka habe, E khanʼ öbun dut at, me hwan hofuc.

Ta je Vejec 11:12

Haba at ame hûkotiâ hanen, me ba metâ bi gan: Ke ame laba hnyibû at ame wâ ûnykûme.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Mataio 5:11

Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya.

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 18:9

Ke e ame ha ûhöûcû eang ka keihen adre me ka labageju kodra bi, a ödra wisa, ke adre me oûnyibâûâ keihen:

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Ta je huliwa 26:24

Ke e ame ka tiga hâiâ e bi helâe, haba Feso ame ha hwegiâ, ka habe, Paulo, u je monu but, hnen ûne ae gan hna omonu u.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 1:23

ke ohmun e khetâ Keriso adre osatauroâ, wale hnân thö ka at Juda, ke hwen monu bi ka at Heleni;

I. Korinito 1:25

Anyin a haba hwen monu anyin Khong me nua metâiny hon at, ke haba sēnyin anyin Khong me nua hwegien hon at.

I. Korinito 10:12

Anyin a wale haba at ame ûnykûme a e ame tethmâ, wâ eâu, e nye û but.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Korinito 2:3

Ke inya unyibun hnyi sēnyin, me ot, me öbubuny ae gan hmâ.

I. Korinito 3:18

Ca he ke at ka hamen iyawâ e bi. A ne hu ke at unyibun ame ka ûnykûme a e at ae metâ eang hmeledrany, me so e ame he ka monu, me me metâ but.

I. Korinito 3:2

Oge abelibun ge debai, ke ca haöbun bi ge utiö: anyin ae ca khanʼ öbun ehac; ke ca khanʼ öbun bala walang ang;

I. Korinito 4:8

E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun.

II. Korinito 10:10

Anyin a haingödra, ka habe, E hmak, ke man bi anyin je tusi; ke sënyin bi unyin, ke ca ûnyi hnathu bi hwan hofuc.

II. Korinito 11:19

Öbun tavat ae metâ, me waleling öbun e hokhnyokâ tavat ae monu.

II. Korinito 11:29

Ewa at ae sënyin, ke ca sënyin bi nya? ewa at adre othöâ, ke ca vec bi nya?

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

II. Korinito 4:12

Wale me me huliwa mok eû hnyi je hnyekuhmun, ke ame huliwa bi möt eû hnyi je hnyekubun.

II. Korinito 6:8

hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi;

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.