I. Korinito 3:9 - Iaai Bible 1901 (New Caledonia)

⁹ Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

I. Korinito 3:9 ပူးပေါင်းရင်းမြစ်များ

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Salamo 72:16

Ame he ka hu hnyi hnyei hwit ae gan hmâ hon ban je bucen; Kʼ ame he ta je waniny ka bwebwet helâ me Lebanona: Kʼ ame he ka sot aten je taun helâ me hnaönyinginy hmeledrany.

Ta je Vejec 9:1

HABA metâ ame hia but op umen uma, A hia but delâ anyin je hmolom a seven:

Isaia 32:20

Hnobun hnahic tavat öbun e te hwit hnyi baten ta je köiö hia, me hna je can ta je bolok me asina.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 61:5

Ke ame he ka tot ta je atkanyua me han halebun je hnahat mamoe, ke ame he tavat aten ke je hnyei ka seû tilâ kânâ hobi köbun, me tuö ibun je hnyei vine.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Mataio 15:13

Ke e ame thu me ha, ka habe, Haba ta je ûö a ca tā bi hnen Kamök ethö hnyi drany, me adre me he ka oc dö me iwân.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Mataio 9:37

Me e ame ha ka laten, ka habe, E gan hmâ widrany, ke wakhalet thibi tavat huliwan.

Mareko 16:20

Me ödrin e he but me khetâ hnyi ta je hnyei hia, ke Than ame tha huliwa mödrin, me ohnathoâ ta je hofuc ge ta je haten ame tha he. Amen.

Ta je huliwa 4:11

E thibi veto öbun e degec öbun hnyat bi uma, adre hia but ânyâ hnân vetoiny ban kopiny.

I. Korinito 3:16

Hawa, e ca khanʼ öbun a haba öbun me hnân uma kap a umen Khong, kʼ ame laba Hanon Khong eû hnyi hnyibun.

I. Korinito 3:6

Inya oge tā, kʼ ame bû ga Apolo; ke haba Khong ame okûâ.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Kolose 2:7

ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ.

I. Timoteo 3:15

ke iny ka bec, mʼ u me he ka wâhmakhmetoâ hwakecin ae ûcû ka tavat hnyi uma umen Khong, wale ekalesia anyin Khong ae möt, me hmolom me taben hnathu.

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

III. Ioane 1:8

Anyin a wale e ûcû köta be ka kap soâ tavat helâe, mʼ ate me he ka tha huliwan hnathu.