I. Korinito 3:8 - Iaai Bible 1901 (New Caledonia)

⁸ Ke khaca thibi at ame tā me at ame hû: kʼ ame he ka ve hu hwaban ae ûcû ka hnyi anyidru huliwa.

I. Korinito 3:8 ပူးပေါင်းရင်းမြစ်များ

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Ta je Vejec 27:18

Haba at ame tuö imeta, me ame he ka an wan; Ke haba at ame tuö tuhan, me adre me he ka ogânâ.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Luka 19:19

Ke e ame ha minya kâu, ka habe, Muso minya ju je taun a thabûng.

Roma 2:6

wale at ame he ka ve ham ka tavat helâ me hnödra hna ânyâ:

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

I. Korinito 3:14

A ne tethmâ huliwa anyin ke at, waleji e ame op goranyai hon, me e ame he ka kap hwaban.

I. Korinito 3:7

Waleling me me ca ûnyi hnathu at ame tā, ke ca ûnyi hnathu minya bi at ame hû; ke so bi Khong at ame okûâ.

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

I. Korinito 4:15

Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so.

I. Korinito 9:7

Ie ke at ame he ka vat me ka hamen bi he ka bi hwaban kâu? ie at ame belökâ hnyei vine, kʼame ca he ka hnyi ijem wan? ke ie at ame hān hnahat meno, kʼ ame ca he ka hnyi ijem debai ûnyi hnyin?

Galatia 6:4

Ke so ka tavat he ka ve cubec anyidra ta je huliwa bi, me adre me he ka hu hnân hobelöu a ûnyi gadra bi, ke ca ûnyi bi ge ke at.

Galatia 6:5

Anyin ame he tavat hia ka ve hijen honödra ta je hok.

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

II. Ioane 1:8

Ō ʼbun aû, wâ e nye hia but gabun ta je ûnyi öhmun e hia but huliwan, ke so öbun e kap hwaban ae unöngöt.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Hna Omanenâ 22:12

Wâ bi, oge me he ka ie o; ke e unyik hwaban, he ka ve ham ka tavat e ûcû me anyidra ta je huliwa.