I. Korinito 3:6 - Iaai Bible 1901 (New Caledonia)

⁶ Inya oge tā, kʼ ame bû ga Apolo; ke haba Khong ame okûâ.

I. Korinito 3:6 ပူးပေါင်းရင်းမြစ်များ

Salamo 127:1

ANE ca op Iehova uma, Më me be tavat ka okhot ka op e: Ame ne ca tuö bi taun Iehova, Ma me he ka hmak baû at ame tue.

Salamo 62:11

Khaca thibi hofuc ame ha Khong, Lo li hofuc oge me long, ka habe, E unyin thibi Khong tang hwege.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Ta je Vejec 11:25

Ame he ka pipikhenya at ame ham baûâ: Ke adre me he ka hû at ame ûöhûö.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

Ta je huliwa 18:24

Ke ame o but ka hnyi Efeso ke at Juda, Apolo ien, adre hnokoâ hnyi Alesanedria, at ae khana khet; ke e ame ti metâ hnyi je hna sihnalimen.

Ta je huliwa 19:1

KE tiga e bi Apolo hnyi Korinito, haba Paulo ame he hnyi je ke keihen hnyei ethö, me o hnyi Efeso, me wâ ke je laten:

Ta je huliwa 21:19

Ke ame italofa mʼ ödra, me e ame omanenâ gaga ta je ûnyi ame ânyâ Khong unyin Aten ta je hnyei hnen anyin huliwa.

Roma 15:18

Anyin oge me ca he ka hwege ka ha ke ûnyi, wale ame ca tha mâdrâ mönya Keriso hnân okûâ ûling ka Aten ta je hnyei, hnen hofuc me huliwa,

I. Korinito 1:12

Walang hok hofuc, ka habe, ve haingöbun hia, ka haba, iny atö Paulo inya; ke iny atö Apolo inya; ke iny atö Kefa inya; ke iny atö Keriso inya.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 3:22

ame ne Paulo, ame ne Apolo, ame ne Kefa, ame ne hmeledrany, ame ne möt, ame ne mok, ame ne ta je ûnyi walang ang, ame ne ta je ûnyi ame he ka o; anyibun hia thibut;

I. Korinito 3:7

Waleling me me ca ûnyi hnathu at ame tā, ke ca ûnyi hnathu minya bi at ame hû; ke so bi Khong at ame okûâ.

I. Korinito 9:1

HAWA, adre ca hna bâûö nya? ca aposetolo bi nya? oge me ca hnyi ō Iesu Keriso a Tuhöta? ke ca anyik huliwa öbun hnyi Than?

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

I. Thesalonika 1:5

a ga ca o köbun anyihmun ûthumetu hnyi hofuc thibi, ke so bi hnyi man minya, me Hanu Kap, me ti kap wia; anyin ae khanʼ öbun hwakecihmun unyibun hobi köbun.