I. Korinito 3:5 - Iaai Bible 1901 (New Caledonia)

⁵ Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

I. Korinito 3:5 ပူးပေါင်းရင်းမြစ်များ

Mataio 25:15

Ke e ame ham ka ke at je talan a faiv, ke ka ke at lo, ke ka ke at khaca; ka ke at me ke at hoton hnödrin hna khana; ke e ame he but ka hnyi dok ae sâkâû.

Luka 1:2

helâ me hnödra hna ham köta, waleji ate me wâ, kʼ otin e bi athnyabainy hofuc ûnyi hnyi can,

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Ta je huliwa 18:24

Ke ame o but ka hnyi Efeso ke at Juda, Apolo ien, adre hnokoâ hnyi Alesanedria, at ae khana khet; ke e ame ti metâ hnyi je hna sihnalimen.

Ta je huliwa 19:1

KE tiga e bi Apolo hnyi Korinito, haba Paulo ame he hnyi je ke keihen hnyei ethö, me o hnyi Efeso, me wâ ke je laten:

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

I. Korinito 12:28

Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei.

I. Korinito 16:12

Ke gan hmâ hnok hna ûjongi Apolo ke liamekeiny, me me he ka tha o köbun me je liamekeiny: kʼ ame ca weny he ka o hnyi ûen ang; ke e ame he ka o, e ka hu ûen ae ûcû.

I. Korinito 3:10

Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.

I. Korinito 3:22

ame ne Paulo, ame ne Apolo, ame ne Kefa, ame ne hmeledrany, ame ne möt, ame ne mok, ame ne ta je ûnyi walang ang, ame ne ta je ûnyi ame he ka o; anyibun hia thibut;

I. Korinito 3:7

Waleling me me ca ûnyi hnathu at ame tā, ke ca ûnyi hnathu minya bi at ame hû; ke so bi Khong at ame okûâ.

I. Korinito 9:17

Anyin oge ne ânyâ ûnyi e ge hnyekuk, e hu but könya hwaban: ke e ka ca ânyâ hnen hnyekuk, adre me hna könya hanymök.

II. Korinito 11:23

Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

II. Korinito 4:7

Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;

II. Korinito 5:18

Ke ûnyi ge Khong ta je ûnyi hia thithö, at ame öûsoköu öta më a deny Iesu Keriso, ke ame ham kohmun huliwainy ûsoköu;

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

II. Korinito 6:4

ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu,

Efeso 3:7

waleji adre wiö nya hnân athnyabainy hoton bwihlany wale ibetengiö baû anyin Khong a ham könya hoton huliwainy maniny man.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:25

ke adre wiö nya he ka huliwan ka hnyi hoton hna penapena hnen Khong, wale adre ham nya hobi köbun, he ka ohwâdâ hofuc hwan Khong,

I. Timoteo 1:12

Ke inya oge me ole ka Keriso Iesu a Tuhöta, at ame ömani nya, anyin a e ame ûnykûme a iny hnathu, me ame ham könya anyin huliwa;

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;