I. Korinito 3:3 - Iaai Bible 1901 (New Caledonia)

³ anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 3:3 ပူးပေါင်းရင်းမြစ်များ

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 1:11

Anyin a haba tavat hnyi hnyaba Keloe, me ödrin e hia but hai öbun könya, a gʼ ame iwatretra öbun.

I. Korinito 11:18

Anyin a walang ûnyi a bân, ka habe, oge long ut, öbun ka he ka ûkhacaköu hnyi ekalesia me öbun e imouköu; ke oge me ûnykûme me hnathu ke je hofuc.

I. Korinito 3:4

Anyin a haingen ke at, ka habe, Iny atö Paulo inya; ke haingen ke at, Iny atö Apolo inya; hawa, öbun ca je at?

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 3:16

Anyin a haba dok ae hu ihuhnyinköu me imouköu, wale dok ae hu hnyin imonumonuny me ta je huliwa hia thithö ae kong.

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.