I. Korinito 3:18 - Iaai Bible 1901 (New Caledonia)

¹⁸ Ca he ke at ka hamen iyawâ e bi. A ne hu ke at unyibun ame ka ûnykûme a e at ae metâ eang hmeledrany, me so e ame he ka monu, me me metâ but.

I. Korinito 3:18 ပူးပေါင်းရင်းမြစ်များ

Ta je Vejec 26:12

U je wâ at ae metâ hnyi hnen bi hna ûnykûme? E so geju ka at ae monu hon e bi.

Ta je Vejec 3:5

Labageju thö kö Iehova ge hnyekom ae bekhot, Ke ca labageju bi ka hnâm hna wâ ûnykûme:

Ta je Vejec 3:7

Ca oûnyihnathoâ ânyâm bi metâ; Ot ju ga Iehova, me kec do ge hulo:

Ta je Vejec 5:7

Ke walang ang, lakuk lö, ling nya ju, Ke ca saû bi ge ta je hofuc ûnyi hnyi hnyimök.

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Isaia 5:21

Ekölö ge tavat a ödra metâ hnyi fanödra hna ûnykûme bi, me ûnykûme a ödra tavat wâ wia!

Jeremia 37:9

Walang hna ha hnö Iehova, ka habe, Ca iyawöbun bi me ha, ka habe, E hnathu ame he but gata at Kaledaia: anyin adre me ca he ka he.

Jeremia 8:8

Ieû gabun öbun e ha, ka habe, ohmun tavat ae metâ, ke e unyihmun hnanyibu anyi Iehova? Ke wâ bi, a hia but huliwa iyawo pen ae thoi anyin tavat sihnalimen.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mataio 18:4

Anyin a wale, haba at ame he ka oûhnyûkongoâ e bi helâ me wanakat ang, wale bi e at ae gan hmâ hnyi dokhon drany.

Mareko 10:15

E hnathu inya oge me ha köbun, Haba at ame ca kap dokhu dokhon Khong helâ me wanakat, me e ame ca he ka dit ka hnyin.

Luka 18:17

E hnathu, inya oge me ha köbun: haba at ame ca he ka kap dokhu dokhon Khong helâ me wanakat, me e ame ca he balua ka didro ka hnyin.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 12:16

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

I. Korinito 15:33

Ca iyâûʼ öbun bi: ûhnenamö ae monu, wale at ame okongoâ hwakecin ae so.

I. Korinito 3:17

A ne okongoâ uma umen Khong hnen ke at, me ame he Khong ka okongoâ e; anyin ae kap uma umen Khong, wale thibi öbun.

I. Korinito 4:10

Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

Galatia 6:3

Ke a ne ûnykûme ke at a ka e at ae ûnyi hnathu, ke ca e bi, e ame ka iyawâ e bi.

Galatia 6:7

Ca omonu öbun bi; e pason he ka iyawâ Khong: anyin a haba hna tā hnen ke at, me e ame he bi ka meno minya helâe.

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 1:22

Ke ânyâ thʼ öbun hoton hofuc ke ca löng thibi, a helâe öbun e ka omonu öbun bi.

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

I. Ioane 1:8

Ate me ne ha, ka habe, e ba anyita hulo, awe, ate me ka iyâwʼ öta, ke ba hnathu unyita.