I. Korinito 3:12 - Iaai Bible 1901 (New Caledonia)

¹² Ke a ne he ke at ka op gol hon taben eling, ame ne sileva, ame ne je veto omjeû, ame ne uto, ame ne ot, ame ne je thatûnyi;

I. Korinito 3:12 ပူးပေါင်းရင်းမြစ်များ

Salamo 119:72

E beönua soiny könya hnanyibuiny hnyimâm Hon je thauzan gol me sileva.

Salamo 19:10

Ame beönua hon gol, eke, me gol ae ao: E hnebwia hon hani minya, me bani adre ca hlec.

Esodo 5:12

Waleling me me vese but tavat hnyi hnyei Aigupito he ka hlo tiren hwaban thatûnyin hwit.

Ta je Vejec 16:16

Shaiba ge soiny hom metâ hon gol! Eke, e so he ka hu wâhmakhmeto hon he ka hûce sileva.

Ta je Vejec 30:6

Ca bi hanen bi ka hnyi hwan hofuc, Wâ e nye he ka nö u, kʼ u thoi bi.

Ta je Vejec 8:10

Kap ju hnok hna ûne ke ca kap sileva bi; Ke metâ, hon gol ae so.

Isaia 60:17

Oge me he ka ham gol hwaban bras, ke oge me he ka ham sileva hwaban fao, ke bras hwaban uto, me fao hwaban veto: ke oge me he ka wia ânyâm je taben me me hnahic, me je homakan ânyâm huliwa mʼ adre me wisa.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Ta je huliwa 20:30

ke ame he ka o minya unyibun tavat adre me he ka ha ta je ûnyi ae hwali, he ka lelo ködra ta je laten.

Roma 16:17

Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

I. Korinito 3:11

Anyin ae ca khana bi ke at he ka ip hmetu ke taben, ke so bi hnödra hna ip, wale Iesu Keriso.

I. Korinito 3:13

me ame he ka ve manen dut huliwa anyin at: anyin a hamen bong he ka omanenâ bi, kʼ adre me he ka omanenâ e hnen meic; ke hamen meic he ka ve cubic huliwa anyin at me me manen dut bongon.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 4:2

ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

Kolose 2:8

Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:

I. Timoteo 6:3

A ne ke at ame ûnö ke ûnyi bi, me ca hmehmela hofucin möt wale hofuc hwan Tuhöta Iesu Keriso, me hna ûne ae ûcû hoton hwakecin ot ka Khong;

II. Timoteo 2:20

Ca je gol me sileva thibi eiö hnyin uma ae gan, ke je kaia uto minya me je kaia kânâ; haba keihen me hnân haisoâ, ke haba keihen me hnân haikongoâ.

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

II. Timoteo 3:7

adre me labö ûne, ke ca khanʼ ödra bala bi wâ ûnykûme hnathu.

II. Timoteo 4:3

Anyin ame he ka o but ûen adre me ca he ka kap hna ûne hnân melen; ke so bi, adre me he ka ûkhöûnâ tavat he ka ûne kodra hoton ta je wedra ae monu, anyin ae hölök ta je hnyikönyödra;

Heberu 13:9

E so adre me ca hom monu öbun hnen ta je hna ûne ae se hia me ve bongon: anyin ae so adre me he ka otethmâ hnyok hnyi ibe-tengiö baû; ca hnen ta je jeû waleji ae ba troban ka tavat adre me vheno ta je ûnyi e.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.

Hna Omanenâ 21:18

Ke haba hna up haginy, me je veto jasepi: ke haba taun, me gol ae so, helâ me uselat ae alai.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.