I. Korinito 3:10 - Iaai Bible 1901 (New Caledonia)

¹⁰ Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.

I. Korinito 3:10 ပူးပေါင်းရင်းမြစ်များ

II. Man Ûlabainy Je Than. 2:12

Haingö Hirama minya, ka habe, E so adre me ole kö Iehova. Khongu Isaraela, at a op drany me hmele drany, at a ham nokon ae metâ kö Davita than, at wâhmakhmeto, me wâ ûnykûme, me me op uma hobi kö Iehova, me uma hobi kâu dokhon dokhu.

Esodo 36:4

Ke haba tavat ae metâ hia, wale hnyat a ânyâ ta je huliwa hia hobi kâu dok ae kap, ödrin e o ûnyi hnyi anyidrin ta je huliwa wale odrin e ve ânyâ;

Ta je Vejec 12:8

Adre me he ka haisoâ at hoton anyin metâ: Kʼ adre me he ka hûkotiâ at ae hwali hnyekon.

Ta je Vejec 9:1

HABA metâ ame hia but op umen uma, A hia but delâ anyin je hmolom a seven:

At Khet 12:9

Ke haba khaca, anyin ae metâ at Khet, me e ame nâ tavat ge metâ; eke, e ame ûnykûme, me elelâm, me ip gaga ta je vejec ae se hia.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Zakaria 4:9

A hia but hnyamö Zerubabela bi taben uma eang; me ame he li hnyamen ka oumo e; me u me he ka wâ a ga kunö nya köbun Iehova tuhan sabaoth.

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Luka 11:35

Anyin a wale wâ wia ju wâ e nye lidrut melam eû hnyi hnyekom.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Ta je huliwa 18:27

E ame weny he ka he Akaia ai, me ame hadruâ e hnen je liamekeiny, me sihnalimen ka je taben he ka kap e: me e ame he but, me hadruâ gânâ tavat adre me labageju ûnyi hnyi ibetengiö baû:

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 12:3

Anyin a inya oge me ha köbun hia thithö, hnen betenge baû adre ham könya, ka habe, ca he ke at ka ûnykûme ogânâ e bi hon ûnyi ae ûcû he ka ûnykûme, ke ûnykûme ûhnyûkongoâ thibi, hoton hna khenâ ka ke at me ke at tulutiny labageju hnen Khong.

Roma 15:15

Ke oge me sihnalimen hwegiâ köbun ge ta je ûnyi he ka oûnykûmi öbun, ûnyi hnyi ibetengiö baû a ham könya Khong,

Roma 15:20

eke, oge me elâm deny he ka khetâ ûthumetu ae so hnyi je dok adre me tiga ca ha hnyin iö Iesu, wâ oge nye he ka op hon taben anyin ke at;

I. Korinito 3:11

Anyin ae ca khana bi ke at he ka ip hmetu ke taben, ke so bi hnödra hna ip, wale Iesu Keriso.

I. Korinito 9:2

Eja ke ne oge ne ca aposetolo ka keihen, me iny aposetolo bi köbun: anyin a haba öbun, me haten hnân ohmâ hnyi Than a iny aposetolo.

II. Korinito 10:15

öhmun e ca hobeluâ ta je ûnyi adre ca tuluto bi, hnyi huliwa anyin keihen; ke öhmun e labageju öbun ka he ka kû tot hnyi labageju, a öbun e he ka ogânʼ öhmun hoton anyihmun tulut,

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Kolose 4:17

Ke ha thö kö Arekipa, ka habe, Wâ eâu hanymâm u je kap ûnyi ge Than, mʼ u me he ka umo thö.

I. Thesalonika 3:2

me öhmun e kunö Timoteo liamekeiny mʼ öhmun, a athnyabainy Khong hnyi ûthumetu ae so anyin Keriso, me me he ka ohmâ me okahwʼ öbun hnyi anyibun labageju;

I. Timoteo 4:16

ö u eâu bi, me hnâm hna ûne. Tethmâ ju hnyi ta je ûnyi e; anyin a u je ne ânyâ e, me u me he ka omeli u bi, inʼ ödra minya adre me ling u.

II. Timoteo 2:15

Hwege thö, me u me ka omanenö u bi a gʼ ame kap soi u Khong, mʼ u at huliwa ae ba hnân ohmehma, at ame huliwa wia hofuc ae hnathu.

Iakobo 3:1

HNYAT me lakeiny mönya lö, ca he ka se hia tavat ûne gabun, anyin ae khanʼ öta a gʼ ate me he ka hu hnaûhango ae gan.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

II. Peteru 3:15

Ke ûnykûme ju öbun a haba hok hnyok beû hmâ anyin Tuhöta me wale möt, helâ me hna sihnalimen köbun ga Paulo liamekeiny mʼ öta a oûnykûmita, hoton metâ adre ham kâu;

Hna Omanenâ 21:14

Ke twelv ta taben hak veto hnyi taun, ke haba hnyi je taben eling e hu je ien je aposetolo a twelv anyin Arenio.

Hna Omanenâ 21:19

Ke adre ohmanenangâ ge je veto ae gan hwaban hia taben haginy taun. Jasepi taben a bân; safairo a loiny; kalekedoni a kuniny; semerado a vakiny;