I. Korinito 2:7 - Iaai Bible 1901 (New Caledonia)

⁷ ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

I. Korinito 2:7 ပူးပေါင်းရင်းမြစ်များ

Salamo 78:2

Oge me he ka khong hnyimök me ûhöûcû; Oge me he ka ha ta je hofuc ae iyong kâû adrem:

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 13:35

me me hwâdâ thö hna ha hnen perofeta, ka habe, Oge me he ka khong ut hnyimök hnyi ta je ûhöûcû; Oge me he ka ha ta je ûnyi ae iyong hwân hnyi hna bi taben hmeledrany.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

Roma 8:30

ke haba hnyat e ame okabâ adrem, me e ame hawʼ ödra bi: ke haba tavat e ame hawʼ ödra, me e ame haiwisʼ ödra bi; ke haba tavat e ame haiwisʼ ödra, me e ame ohmanenangi ödra bi.

I. Korinito 2:1

HNYAT me lakeiny lö, haba ge imwik e unyibun, me oge me ca tha o me hofuc ae hmanenang me metâ, hnyi hnok hna omanenâ köbun ûnyi ae iyong anyin Khong.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

I. Peteru 1:11

adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.

I. Peteru 5:1

INYA oge me sihwegiâ wahingat unyibun, inya minya ang ke hingat, me at ohnatho je vec anyin Keriso, me at ame he ka hnyi hu hmanenang ame he ka manen:

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

II. Peteru 1:3

anyin a e ame hia but ham köta ta je ûnyi hia hnyi möt me hwakecin ae ûcû me Khong, hnen maniny man, ûnyi ge hna wâhmakhmetoâ e, at ame ha öta ge anyin hmanenang me hnyok so;

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.