I. Korinito 2:14 - Iaai Bible 1901 (New Caledonia)

¹⁴ Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Korinito 2:14 ပူးပေါင်းရင်းမြစ်များ

Ta je Vejec 14:6

Ame heleû metâ hnen at ame ûhiö, kʼ ame ca wâ bi: Ke hâhâ he ka wâhmakhmeto hnen at ame wâ ûnykûme.

Mataio 16:23

Ke e ame hwio thö me ha kö Peteru, ka habe, Satana lö, he thö ka hnyi hotuk: u at ame bijönik: anyin u je ca ûnykûme ge ta je ûnyi anyin Khong, ke ta je ûnyi thibi anyin at.

Ioane 10:20

Ke se hia gadra adre me ha, ka habe, E but unyin at ang demoni, kʼ ame monu but; ieû gabun öbun e long kâu?

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Ta je huliwa 18:15

ke adre ne ivinoâ hofuc, me je ien, me anyibun hnanyibu, me hamöbun bi; e ca wek bi nya he ka owisa ta je ûnyi e.

Ta je huliwa 25:19

ke adre me hâiâ e hnyi ke je ûnyi hnyi anyidra hmi, me ke at Iesu ien, waleji a mokcu, ke haingö Paulo bala bi, ka habe, a möt dö.

I. Korinito 1:18

Anyin a hwen monu ûthmetu ge satauro ka tavat adre me he ka hnaûhango; ke man maniny Khong köta a tavat adre me he ka möt.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 1:23

ke ohmun e khetâ Keriso adre osatauroâ, wale hnân thö ka at Juda, ke hwen monu bi ka at Heleni;

I. Korinito 1:25

Anyin a haba hwen monu anyin Khong me nua metâiny hon at, ke haba sēnyin anyin Khong me nua hwegien hon at.

I. Korinito 15:44

adre me tä e hnyi unyin hmeledrany; adre me otilâ hmetu e hnyi unyin hanu. A ne hu unyin hmeledrany, awe e hu minya unyin hanu.

I. Korinito 15:46

Ke a ca bân bi ûnyi a hanu, ke so bi ûnyi a unyin; ke hwaban e ûnyi a hanu.

I. Korinito 2:12

Ke ate me ca kap bi hanon hmeledrany, ke so bi hanu ûnyi ge Khong; me me khanʼ öta thö ta je ûnyi a ham bâûâ köta Khong.

I. Korinito 3:1

HNYAT me lakeiny lö, e ca khanö nya he ka fuc köbun helâ me tavat aten hanu, ke so bi helâ me tavat aten unyin, helâ me ta je mendreng unyi Keriso.

Iakobo 3:15

Haba metâ eang me ame ca o ûnyi ethö, ke hwen hmeledrany, me unyin, me demoni.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Juda 1:19

Ödra e tavat adre me okûâ imouköu, adre me hwen unyin, ke ca hu bi Hanu.