I. Korinito 2:1 - Iaai Bible 1901 (New Caledonia)

¹ HNYAT me lakeiny lö, haba ge imwik e unyibun, me oge me ca tha o me hofuc ae hmanenang me metâ, hnyi hnok hna omanenâ köbun ûnyi ae iyong anyin Khong.

I. Korinito 2:1 ပူးပေါင်းရင်းမြစ်များ

Esodo 4:10

Ke haba Mose ame ha kö Iehova, ka habe, Than lö, iny ca at khet, waleji ehac, me walang ang hwaban hnâm hna fuc könya a athnyabaem: anyin a teta ifucik, ke teta bohmök.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Ta je huliwa 20:21

me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso.

Ta je huliwa 22:18

me wâ e wale at ame ha könya, ka habe, Logotö, ie he but ûhem Jerusalema: anyin adre me ca he ka kap hna ohnathu nya gam.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

I. Korinito 1:17

Anyin a ca kunö nya Keriso he ka bapataiso, ke so bi, he ka khetâ ûthumetu ae so: ca hnen ifucin metâ, wâ e nye gufa but satauro anyi Keriso.

I. Korinito 1:6

helâ me hnödra hna ohmâ eû hnyibun hnathu ge Keriso:

I. Korinito 2:13

Ke ohmun e ha ta je ûnyi e, ca ûnyi hnyi hofuc adre nâ hnen metâ anyin at, ke so bi ûnyi hnyi hna ûne hnen Hanu; ame omanenâ ta je ûnyi anyin hanu ka tavat aten hanu.

I. Korinito 2:4

Ke haba ifucik ke hnok hna khetâ, me ca hnen bi hofuc ae senem hnyi metâ, ke ame kû hnen Hanu me man:

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

II. Korinito 10:10

Anyin a haingödra, ka habe, E hmak, ke man bi anyin je tusi; ke sënyin bi unyin, ke ca ûnyi hnathu bi hwan hofuc.

II. Korinito 11:6

Eja ke ne oge ne hwen monu hnyi hofuc, me oge me ca helâe hnyi metâ; ke öhmun e hia but omanenâ e köbun hnyi ta je ûnyi hia, unyin tavat hia.

II. Thesalonika. 1:10

e ka o me me ogânâ e hnen anyin wakap, me he ka lâiâ gan hnyi bong eling hnen tavat hia adre me labageju (anyin a öbun e kap hnöhmun hna thumetu öbun).

I. Timoteo 1:11

hoton evangelia ae hmanenang anyin Khong ae tren hnahic, waleji adre me hna könya.

II. Timoteo 1:8

Anyin a wale u me ca he ka hmehma he ka ohnatho Tuhöta, ke gak bi inya at adre cö nya: ke so bi, u me he ka hnyi hanen ta je vecin uthumetu ae so hoton man maniny Khong;

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

Hna Omanenâ 1:2

waleji at ame ohnathoâ hofuc hwan Khong, ke hna ohnatho hnö Iesu Keriso, a ta je ûnyi hia e ame wâ.

Hna Omanenâ 1:9

Inya Ioane, liamekeiny mʼ öbun me tha inya mʼ öbun hnyi vec, me dokhu, me hok hnyok ûnyi Iesu, oge mwi but hnyi bomene Patamo ien, can hofuc hwan Khong me hna ohnathu Iesu.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.