I. Korinito 13:7 - Iaai Bible 1901 (New Caledonia)

⁷ e at ame hokhnyokâ ta je ûnyi hia, at ame kap ta je hofuc hia, at ame gejon ta je ûnyi hia, at ame hombeûâ ta je unyi hia.

I. Korinito 13:7 ပူးပေါင်းရင်းမြစ်များ

Genese 29:20

Me Jekob ame huliwa seven ta je huna hwabö Rakela; ke helâke je bong ae wakhalet thibi kâu, can anyin betenge ka hlu.

Jobu 13:15

Eja ke ne a ne hlingö nya, oge me he ka halubahingen: Ke so bi oge me he ka haisoâ dek je gethen hnyi hnyimakan.

Salamo 119:66

Nö nya thö ge hna owisa ae so me metâ; Anyin a inya oge me kap ânyâm ta je hnanyibu.

Ta je Vejec 10:12

Haba hmonyin, me wale at ame okûâ iwatretra: Ke ibetengiö ame tube ta je hulo hia.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mareko 9:23

Haba Iesu ame ha kâu, ka habe, A ne khanö u bi! E khana ta je ûnyi hia hnen at ame labageju.

Roma 15:1

HAMÖTA tavat ae hwege he ka hadruâ hnyat ae sënyin, ke ca he ka osenyini öta thibi.

Roma 8:24

Anyin adre me omeli öta ûnyi ge geju: ke haba geju ae manen me ca geju bi eling: anyin a ie at ame gejon ûnyi e ame wâ?

I. Korinito 13:4

Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

I. Korinito 9:12

A ne munyi ânyâ wisa eling gabun hnen keihen, hawa e ca ti ûcû kohmun he ka munyi ânyâ? Ke so bi ohmun e ca vheno wisa eling; ke ohmun e hokhnyokâ ta je ûnyi hia thithö, wâ ohmun nye ovhelâ ûthumetu ae so anyin Keriso.

Galatia 6:2

Ûkhûkhûö th ö honöbun je hok, me ohwâdâ helâe hnanyibu anyin Keriso.

Deuteronomi 1:9

Ke oge me ha köbun hnyi ûen eling, ka haba, E pason könya a inyʼ khaca he ka tuʼ öbun:

Deuteronomi 22:27

anyin a e ame wâ e hnyi hnyei; kʼ ame kuku hnen hlu a hmehmela ke at, ke ba at he ka hadruâ.

II. Thesalonika. 1:4

wale me öhmun e hobeluʼ öbun hnyi ta je ekalesia anyin Khong ûnyi hnyi hnobun hna hokhnyok me labageju hnyi hnödra hna sedʼ öbun, ke hnyi ta je vec öbun e vheno;

II. Timoteo 2:24

Ke ca ûcû bi athnyabainy Than he ka iwatretra, ke so e menyik hwakecin ka tavat hia thithö, me at ae khana ûne, me hokhnyok,

II. Timoteo 3:11

me hna seda, me ta je vec; ta je ûnyi ame o könya hnyi Anetioka me Ikonio, me Lusetara; me ta je vec adre oveci nya kâu: ke haba Than ame hûgûnö nya ûnyi hnyi ta je vec hia.

II. Timoteo 4:5

Ke u me he ka hnyokâ wisa hnyi ta je ûnyi hia, hokhnyok ju hnyi ta je vec, ânyâ thö hanymen at ame huliwan ûthumetu ae so, obekhötâ hanymâm hia thithö.

Heberu 13:13

Anyin a wale e so ate me didro kâu ka hnyi hoton hnyaba, me hokhnyok hnyi hna haikongoâ e.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.