I. Korinito 13:6 - Iaai Bible 1901 (New Caledonia)

⁶ ame ca senyinâ hwakecin ae ca wisa, ke ame senyinâ hnathu;

I. Korinito 13:6 ပူးပေါင်းရင်းမြစ်များ

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Esodo 18:9

Ke Jethero ame senyinâ je so hia a ânyâ Iehova ka at Isaraela, waleji hna omeli odra ûnyi hnyi hnyamen at Aigupito.

Ta je Vejec 14:9

Ame hlumâ hulo hnen tavat ae monu: Ke e unyin tavat ae wisa ibetengiö.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Hosea 4:8

Adre me ha Ö ʼdra bi ge hulo anyin lakeik, me behnyokâ hwakecidra ae kong.

Hosea 7:3

Adre me osenyinâ than ge anyidra bi monu, me je taben hnen anyidra je thoi.

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Mataio 18:13

Ke a ne wâ ju e, e hnathu inya oge me ha köbun, ka habe, e ame senyinâ e hon hnen hna senyinâ nainte nain ödrin e ca he monu.

Luka 22:5

Me adre me senyin me ûhihinyköu mē, he ka ham kâu mone.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Filipi 1:18

Ke ieû? adre me khetâ Keriso hnyi ta je deny hia, ame ne ûnyi hnyi bihihwakecin, kʼ ame ne ûnyi hnyi hnathu; waleling mʼ oge me senyin, eke, me oge me he ka senyin bala.

Filipi 1:4

kʼ oge me labö sumat me senyin hnyi hijik je hic hia hobi köbun hia,

Filipi 3:18

Anyin ae se hia tavat adre me he, kʼ oge me ibi ose hai odra köbun, kʼ oge me ha tengiâ walang ang, a ödra je iwahnaihmiony me satauro anyin Keriso:

II. Thesalonika. 2:12

mʼ adre me he ka bi hwaban kodra hia thithö, tavat adre me ca hnyi kap hnathu, ke adre me senyin bala bi ka hnyi hwakecin ae ca wisa.

II. Ioane 1:4

Inya oge me senyin gan hmâ, anyin oge me wâ a ga vheno hnathu ke je lakom, helâ me hnanyibu ate me kap ûnyi ge Kamen.