I. Korinito 13:5 - Iaai Bible 1901 (New Caledonia)

⁵ kʼ ame ca ânyâ hwakecin ae ca ûcû, kʼ ame ca hamen bi ka elâm anyin ta je ûnyi, kʼ ame ca ie hmonyin bi, kʼ ame ca ûnykûme bi hulo;

I. Korinito 13:5 ပူးပေါင်းရင်းမြစ်များ

II. Samuela 10:3

Ke haba je tuhan laku Amona ödrin e ha kö Hanuna a thanidrin, ka habe, U me ûnykûme a Davita ame ogânâ kâmâm, me ame kunâ köu tavat he ka otubwelâ? ke ca Davita bi ame kunâ athnyabainy köu he ka elâm i taun, me ecmâkâ e, me ohia e?

Jobu 21:27

Wâ bi, e khanö nya hnobun je hna ûnykûme, Me anyibun je bihihwakecin hnân okongu nya.

Ta je Vejec 14:17

Haba at ame ie hmonyin, me ame he ka ânyâ monu. Ke adre me hûkotiâ at bihihwakecin ae kong.

Isaia 3:5

Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Numera 12:3

Haba Mose, me wale at ae ti menyik hon tavat hia eang hmelen.

Numera 16:15

Me ame ubâhlâ hmönyin anyi Mose, me e ame ha kö Iehova, ka habe, U me ca he ka wâ anyidrin hut: ke ba haledrin asina oge hom, ke oge ca okongo ke at a khaca gadrin.

Numera 32:6

Ke Mose ame thu ka laku Gada me laku Reubena, ka habe, Hawa, ame he je liamekeiny möbun ka vat e helë, ke öbun e he biju ka laba eang?

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Mareko 3:5

Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

I. Korinito 10:24

Ca he bi ke at ka elâm soiny bi, ke so bi soiny ke at bi.

I. Korinito 10:33

helâ me inya oge me osenyinâ tavat hia hnyi ta je ûnyi hia, oge me ca elâm bi soik, ke so bi soiny tavat ae se hia, mʼ adre me möt ut.

I. Korinito 11:18

Anyin a walang ûnyi a bân, ka habe, oge long ut, öbun ka he ka ûkhacaköu hnyi ekalesia me öbun e imouköu; ke oge me ûnykûme me hnathu ke je hofuc.

I. Korinito 12:25

me me ba imouköu hnyi unyin; ke so bi me me ûtuököuâ je ong outhunyin.

I. Korinito 7:36

Ke a ne ke at ame ûnykûme, ka habe, e ca so hwakecin bi ka; nokon hlu, a he hia but hlu hanyâûâ ûen he ka faipoipo, ke ûcû he ka helâe, e so e ame he ka ânyâ weny bi; e ca monu bi; e so ödru me he ka faipoipo.

II. Korinito 5:19

waleji, a e unyin Keriso bi Khong, ame öûsoköuâ hmeledrany më, kʼ ame ca ip hnödra je hna hanyâûâ kodra bi, ke ame ham kohmun hofucin ûsoköu.

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

II. Thesalonika. 3:7

Anyin ae khanʼ jöbun hwakecin ae ûcû wale he ka ûcûcûbingi öhmun: anyin ame ca hwali hwakecihmun unyibun;

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

II. Timoteo 4:16

Haba hnyi hnok hna ivinö a bân, me ba at ame bi hiök, kʼ ame digic nya tavat hia thithö: e na ca ip kodra hwaban.

Iakobo 1:19

Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin: