I. Korinito 13:4 - Iaai Bible 1901 (New Caledonia)

⁴ Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

I. Korinito 13:4 ပူးပေါင်းရင်းမြစ်များ

Genese 30:1

KE a wâ but Rakela a gʼ ame ca hnöku nöku Jekob, me Rakela ame hmönyin ka tuhan, me ha kö Jekob, ka habe, Ha nökuk ut, wâ inye mokcu.

Genese 37:11

Ke ame hmönyin kâu latuhan; ke haba kamen ame ip ûnyi e hnyi ûnykûmânen.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Salamo 10:5

E hmâ balua deny je gethen; E sâkâû balua gan ânyâm je hna owisa: Ke haba je iwahnaihmiony hia mē, e ame tûʼ ödra.

Ta je Vejec 10:12

Haba hmonyin, me wale at ame okûâ iwatretra: Ke ibetengiö ame tube ta je hulo hia.

Ta je Vejec 13:10

Ame oâ iwatretra ge bigan Ke hu metâ ge tavat adre me kap ûhnenamö ae so.

Ta je Vejec 17:14

Haba hwân iwatretra, me helâ me adre si deny köiö: Anyin a wale degec ut ivino, ka tiga ca kû wathethot.

Ta je Vejec 17:9

Haba at ame tube hna hanyâûâ, me ame elâm ibetengiö: Ke haba at ame hâhâ ta je ûnyi, me ame öûsâkâûöâ tavat me lawaedra.

Ta je Vejec 19:22

Haba weny at, me betenge: Ke so at ae theduoc hon at ae thoi.

Ta je Vejec 31:20

E momo ame lau li hnyamen ka at ae vec: Eke, e ame hinobeny ka at ae theduoc.

Ta je Vejec 31:26

E momo ame ha metâ; Ke e hnyi bohmen hnanyibuiny ibetengiö.

At Khet 10:4

A ne tot köu hmonyin anyin than, ca he thö hnyi hnâm; anyin a hwakecin ae menyik ame thawâ ta je monu ae gan.

Mataio 27:18

Anyin ae khana but a gʼ adre hna e can ihuhnyinköu.

Ta je huliwa 7:9

Ke haba je pateriaka ödrin e ûcû Josefa hnyi Aigupito can ödrin e hunyinyâ: ke e bi unyin Khong,

Roma 1:29

ke ödra unöngötö ge je hwakecin ae ca wisa bi, me hulo, me behnyekon, me beokongo; kʼ ödra unöngötö ge ibunyinköu, me ûhlingö, me iwatretra, me iyawo, me hnyok ae ti kong;

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 4:18

E bi gan dut keihen gabun helâke oge me ca he ka o köbun.

I. Korinito 4:6

Hnyat me lakeiny lö, oge hia but oûco ta je ûnyi e könya me Apolo hobi köbun; mʼ öbun e he ka nâ ûnyi gahmu he ka ca onua bi ta je ûnyi adre sihnalimen: me me ca he ka bi gan ke at gabun ka ke at hon ke at.

I. Korinito 5:2

Ke öbun e bi gan, kʼ öbun e ca hlöuhlöu bi, mʼ adre me he ka obâ but ûnyi gabun at ame ânyâ ûnyi eling.

I. Korinito 8:1

KE haba ta je ûnyi adre hudo ka ta je hnatheat: E khanʼ öta a öta hia ate me wâ ûnykûme. Haba wâ ûnykûme ame obigânâ, ke haba ibetengiö ame okahwâ.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

II. Korinito 6:6

hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

Galatia 5:26

Ca he öta ka weta lung baû, me ûhmönyinköu, me ihunyinköu.

Efeso 4:2

me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö;

Efeso 4:32

ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.

Filipi 1:15

Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so:

Kolose 1:11

kʼ adre me ohwegi öbun ge hwege hia, hoton man maniny anyin hmanenang, he ka tha hnyok me hokhnyok beû hmâ, me senyin;

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

I. Timoteo 6:4

awe, e ame bi gan, ke ca khana bi ke ûnyi, ke e ame moko hna ivinö me iwatretra ge ta je hofuc, wale at ame okûâ ihunyinköu, me iwatretra, me ûjao, me ûnykûme monoâ,

II. Timoteo 2:25

me nâ menyikâ ta je iwahnaihmiony; ame ne he Khong ka ham kodra ietra he ka wâhmakhmetoâ hnathu,

II. Timoteo 3:10

Ke u je hia but hnu hoton hnok hna ûne, me hwakecik, me ûnykûmenök, me hnök hna labageju, me hokhnyok beû hmâ, me betenge, me hokhnyok,

II. Timoteo 4:2

ka habe, Khetâ thö hofuc; ke hwege thö hnyi ûen ae ûcû, me ûen ae ca ûcû; owisa thö, nâ thö, sihwege thö me hokhnyok beû hmâ me ûne.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 4:5

Hawa, öbun e ûnykûme a gʼ adre ha bâûâ hna sihnalimen? Hawa, ame weny me ihuhnyinköu hanu, a ame ip eû hnyi je hnyekuta?

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

II. Peteru 1:7

me bi hanen hnyokâ hnyat me lakeiny ka hnyi hwakecin ae ûcû me Khong; me bi hanen ibetengiö ka hnyi hnyokâ hnyat me lakeiny.

I. Ioane 4:11

Hnyat a oûnykûmik lö, a ne betenge gata Khong helâe, hamöta he ka ibetengiököu.