I. Korinito 13:2 - Iaai Bible 1901 (New Caledonia)

² Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.

I. Korinito 13:2 ပူးပေါင်းရင်းမြစ်များ

Mataio 13:11

E ame thu ködrin me ha, ka habe, Adre me ham köbun he ka wâhmakhmetoâ ta je ûnyi ae iyong hnyi dokhon drany, kʼ adre me ca ham bi kodra.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 21:19

Me e ame wâ imeta hnyi baten gethen, me e ame he kâu, ke ba wan e ame wâ, ke je lan thibi; haingen kâu ka habe, U me ca he hmetu ka wa nyiele balua. Me ame ie meleca thö imeta.

Mataio 21:21

Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 15:14

Ke mou but eû hnyi hnyekuk gabun je liamekeiny mönya, a öbun e unöngötö ge hwakecin ae so, ke unöngöt ge metâ hia, ke e khanʼ öbun he ka ûsihwegei öbun köu.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

I. Korinito 11:4

Haba baga ame hic me perofeta kʼ ame tube ban, me e ame okongoâ ban.

I. Korinito 12:28

Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei.

I. Korinito 13:1

OGE ne fuc hnyi je ifucin tavat me ta je angela, ke ba gak ibetengiö, me iny ûcû me fao ame cuha, me simebalo ame kitenge.

I. Korinito 13:3

Ke oge ne khenâ anyik ta je ûnyi hnân hān tavat ae theduoc, ke oge ne ham unyik mʼ adre me he ka thong degecâ, ke ba gak ibetengiö, awe, e ba troban könya.

I. Korinito 13:8

Haba ibetengiö, me ame ca he ka um dö: ke ame he ka hia ta je hna perofeta; kʼ ame he ka aû but ta je hwen hnyei; kʼ ame he ka hia metâ.

I. Korinito 14:29

E so ame he je perofeta ka fuc, ame ne ûsa lo, ame ne kun, ke ame he keihen ka lönghmakhmeto.

I. Korinito 14:39

Anyin a wale, hnyat me lakeiny lö, e so e webun hwegiâ he ka perefota, ke ca thawâ bi he ka ha hwen ta je hnyei.

I. Korinito 14:4

Haba at ame hwen ke hnyei me ame okahwa e bi; ke haba at ame perofeta ame okahwa ekalesia.

I. Korinito 15:51

Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta,

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

I. Korinito 4:1

E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong.

I. Korinito 7:19

E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong.

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

II. Korinito 12:11

Iny monu but: öbun e kunö nya; anyin ae ûcû köbun he ka haisoi nya: ke eja ke ne oge ne ca ûnyi hnathu bi, ke so bi ca inya bi hmelen ta je hing aposetolo.

Galatia 5:16

Ke inya oge me ha, ka habe, E so öbun e he bala hnyi Hanu, me öbun e ca he ka ânyâ weny unyin.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 6:3

Ke a ne ûnykûme ke at a ka e at ae ûnyi hnathu, ke ca e bi, e ame ka iyawâ e bi.

Efeso 3:4

ke öbun e ne aû, öbun e he ka wâ anyik metâ hnyi ûnyi ae iyong anyin Keriso;

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

Kolose 1:26

wale ûnyi ae iyong adre ikhâlâ ehac hnyi ta je ûen adrem, me ta je dö hia thithö; ke walang ang, adre hia but omanenâ e ka anyin wakap,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Ioane 4:8

Haba at ame et hnyi betenge bi, me ca khana bi e hnen Khong; anyin a Khong ibetengiö.